21 Лаҵара 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Лаҵара 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

АЖӘАБЖЬҚӘА

Аҟәа. Мшаԥымза 29, 2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа Москва иусуратә ныҟәарақәа хыркәшоуп.

Урыстәыла аҳҭнықалақь аҟны аҳәынҭқарра Ахада диԥылеит Урыстәылатәи Афедерациа Ахада Иусбарҭа Анапхгаҩы Антон Ваино.

Аслан Бжьаниа иусуратә ныҟәарақәа аҳәаақәа ирҭагӡаны иара убас диԥылеит Урыстәылатәи Афедерациа Ахада Иусбарҭа Анапхгаҩы ихаҭыԥуаҩ Дмитри Козак. Ирылацәажәеит аԥсны-урыстәылатәи аизыҟазаашьақәа ирызкыз азҵаарақәа жәпакы.

Аҟәа. Мшаԥымза 29, 2022 шықәса. Аԥсныпресс.  Лаҵарамза 1 азы Очамчыра араион Кәтол ақыҭан Ааԥынреи Аџьеи рныҳәамш иазкны аҽырыҩратә сезон аартра мҩаԥысраны иҟоуп, ҳәа адырра ҟанаҵоит аҿари аспорти русқәа рзы аҳәынҭқарратә Еилакы.

Аконкур азы арбаратә қәгыларақәа рыла атурнир аадыртуеит аҽыбӷаҟазаратә спорт азҟазацәа.

Аныҳәамш апрограмма ала иазԥхьагәаҭоуп 1941-1945 шш. Аџьынџьтәылатәи еибашьра Дуӡӡеи  1992-1993 шш. Аԥсны Аџьынџьтәылатәи еибашьреи рҿы иҭахази аҽыҩӷаҟазаҩ   Даур Ачбеи ргәалашәара иазкны 1400, 1800, 2000 метра аҟынӡа аҽырҩрақәа.

Аҟәа. Мшаԥымза 28, 2022 шықәса. Аԥсныпресс. Аҟәа ақалақь, В.Г.Арӡынба ихьӡ зху арратә ахьӡ-аԥша амузеи аҿы Аԥсны Афырхаҵа, «Ахьӡ-Аԥша I аҩаӡара аорден занашьоу, аинрал-леитенент Сулҭан Сосналиев  80- шықәса ихыҵра иазкны агәалашәаратә хәылԥазы мҩаԥысит.  Уи аԥхьа Аԥсны анапхгара ахаҭарнакцәа, адепутатцәа, Аҳәынҭқарра ахадара, аибашьра аветеранцәа, ауаажәларра ахаҭарнакцәа, атәыла ауааԥсыра Ахьӡ-Аԥша апарк аҿы игылоу Сулҭан Сосналиев ибаҟа амҵан ашәҭ шьыҵәрақәа шьҭарҵеит.

Аҟәа. Мшаԥымза 28, 2022 шықәса. Аԥсныпресс. Мшаԥымза 30 рзы акультура Аминистрра Аҟәа ақалақь Пушкин имҩаду аҩ.№ 8 ала иҟоу Амилаҭтә асахьатә галереиа ахыбраҿы аилыргаратә усмҩаԥгатә мҩаԥнагоит.

Акультура Аминистрра ауааԥсыра рахь ааԥхьара ҟанаҵоит архитектуратә баҟа иахьаҵанакуа аилыргара иазкны имҩаԥгахо аусмҩаԥгатә рхы аладырхәырц.

«Ари акциа  –  агалереиа ахыбра аҿы аиҭашьақәыргыларатә усурақәа ралагара апроцесс арццакра азы акыр зҵазкуа етапны иҟоуп. Агәыӷра ҳамоуп, ари аԥшьгара арҿиаратә коллективқәа, акультура аусзуҩцәа, иара ауааԥсыра рганхьала адгылара аиуп ҳәа.

Аҟәа. Мшаԥымза 28, 2022 шықәса. Аԥсныпресс.  Аԥшьаша, мшаԥымза 28 рзы имҩаԥысыз атәыла анапхгара аилатәара аҿы асоциалтә еиқәыршәареи адемографиеи рминистр Руслан Аџьба аҳәынҭқарратә ахықәкытә программа «Анхарҭа –2022» аҳәаақәа ирҭагӡаны апрограмматә усмҩаԥгатәқәа рымҩаԥгара азы аҳасабырба ҟаиҵеит. 

Иарбоу апрограмма анагӡара алацәажәара иацҵо атәыла аԥыза-министр Алеқсандр Анқәаб аминистрцәа Реилазаара аилатәара ашьҭахь аԥыза-министр ихаҭыԥуаҩ  Сергеи Пустовалов, асоциалтә еиқәыршәареи адемографиеи рминистр Руслан Аџьбеи аҳәынҭқарратә программа «Анхарҭа–2022» анагӡара азы анапхгарабжьаратәи анагӡара-аихшаратә комиссиа амаӡаныҟәгаҩ   Ромео Черқьезиеи алархәны аилацәажәара мҩаԥигеит.

Аҟәа. Мшаԥымза 28, 2022 шықәса. Аԥсныпресс. Аԥсны аҵарадырреи абызшәатә политикеи Рминистрреи В.Г. Шухов ихьӡ зху Белгородтәи аҳәынҭқарратә атехнологиатә университети абитуриентцәа рыдкылара ишалаго азы алаҳәара ҟарҵеит.  

Ари аҵараиурҭа иҭалар зҭаху зегьы Аԥсны аҵареи абызшәатә политикеи Рминистрра аҿы инеины анкетақәа хадырҭәаар ахәҭоуп. Иарбоу аҵараиурҭа аҿы аҵара абиуџьеттә шьаҭала имҩаԥысуеит.

Ихымԥадатәиу аусшәҟәқәа:

  1. 4 фотосахьак 3х4 (аԥшшәы змоу).
  2. Аиразы аршаҳаҭга ахкьыԥхь.
  3. Абитуриент иан, мамзаргьы иаб риразы аршаҳаҭга ахкьыԥхьи аҵарадырра азы аусшәҟәы аоригинал (ахаҭа).
  4. Аԥсны Аҳәынҭқарра атәылауаҩшәҟәи Урыстәылатәи Афедерациа атәылауаҩшәҟәи рыхкьыԥхь.

Аҟәа. Мшаԥымза 28, 2022 шықәса. Аԥсныпресс. Аԥсны агәабзиарахьчара аминистр Едуард Быҭәба ирласу амедицинатә цхыраара астанциа даҭааит. Аминистр уи аусзуҩцәа рзанааҭтә ныҳәа рыдиныҳәалеит.

«Шәара мҽхакы ҭбаала аусура нашәыгӡоит. Уахи-ҽни ааԥсарак ҟамҵаӡакәа ҳауаажәлар рыԥсҭзаара аиқәырхара шәнапы алакуп. Еиҳарак ҷыдала иазгәасҭарц сҭахуп ҳтәыла азы акыр иуадаҩыз акоронавирустә ҿкы чымазара апандемиа аамҭахәҭа азы инашә́ыгӡаз аусура. Ақәҿиарақәа шәзеиӷьасшьоит, апациентцәа зегьы ианаамҭоу, зыҩаӡара ҳараку амедицинатә цхыраара роулааит. Гәык-ԥсыкала ишәыдысныҳәалоит ирласу амедицинатә цхыраара аусзуҩ имш!» - ҳәа иҳәеит Едуард Быҭәба.

Ирласу амедицинатә цхыраара астанциа аҳақьым хада Аслан Џьопуа аминистр иҟаиҵаз адныҳәалара азы иҭабуп ҳәа еиҳәеит. Уи напхгара зиҭо аколлектив дрызгәдууп ҳәа иазгәеиҭеит.

«Ҳара аринахысгьы ааԥсарак ҟамҵа ҳауаажәлар ацхыраара рыҭара ҳазхиоуп», -   ҳәа иҳәеит Аслан Џьопуа.

Аҟәа. Мшаԥымза 28, 2022 шықәса. Аԥсныпресс. Аминистрцәа Реилазаара аҿы 2021 шықәсазы анапхгарабжьаратәи ахықәкытә программа «Адемографиа аҿиара» анагӡара азы аихшьаалатә ҳасабырба рыдыркылеит.

Аҳасабырба адгалара мҩаԥго, асоциалтә еиқәыршәареи адемографиатә политикеи рминистр Руслан Аџьба ишазгәеиҭаз ала, иарбоу апрограмма анагӡара аҳәаақәа ирҭагӡаны ахԥатәи ахәыҷы дзаузи еиҳаны ахшаара змоуи аԥсуа ҭаацәара шәкы-шәкы нызықь  мааҭ рзоужьхеит.

Ахәыҷы иира ашьҭахь  6 – мыз иалагӡаны аҭаацәаари ацхыраара аиура азы арзаҳал рыҩыроуп.  

Аҟәа. Мшаԥымза 28, 2022 шықәса. Аԥсныпресс.   Ԥхынгәымза 28, 2009 шықәсазы иаԥҵаз «Аԥсны Аҳәынҭқарреи Краснодартәи атәылаҿацә Ахадареи рыбжьара ахәаахәҭра-економикатә, анаука-техникатә, агуманитартәи акультуратәи усеицура азы Аиқәшаҳаҭра» анагӡара азы  2022-2024 шш. аусмҩаԥгатәқәа рыпрограмма рыдыркылеит мшаԥымза  28 азы имҩаԥысыз аминистрцәа Реилазаара аилатәара аҿы.  

Аҟәа. Мшаԥымза 28, 2022 шықәса. Аԥсныпресс.  Ахаша,  мшаԥымза 27 рзы имҩаԥысит Аԥсны ашәҟәыҩҩцәа Реидгыла  XIV Аизара Ду. Аизара Ду амшхәаԥштә зҵаарақәаны иқәгылан: Ашәҟәыҩҩцәа Реидгыла ахантәаҩы Вахтанг Абҳазоу инаигӡаз аусура азы аҳасабырба аҟаҵареи ахантәаҩы ҿыц иалхреи.  

Аусмҩаԥгатә аԥсуа литература ашьаҭаркҩы Дырмит Гәлиа ибаҟа амҵан ашәҭ шьыҵәрақәа рышьҭаҵарала иалагеит.   

 Вахтанг Абҳазоу аҵыхәтәантәи хәы-шықәса ирылагӡаны Аԥсны ашәҟәыҩҩцәа Реидгыла инанагӡаз аусура азы аҳасабырба ҟаиҵеит. Уи имҩаԥгаз аусура иԥкааны далацәажәеит, иара убас Аԥсны алитературатә ԥсҭазаара аҿы имаҷымкәа иҟоу апроблемақәа дырзааҭгылеит.  

Аизара Ду аартра еизаз онлаин-режим ала ирыдиныҳәалеит Аԥсны Жәлар рышәҟәыҩҩы ду Алықьса Гогәуа.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me