21 Лаҵара 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Лаҵара 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

АЖӘАБЖЬҚӘА

Аҟәа. Мшаԥымза 28, 2022 шықәса. Аԥсныпресс. Мшаԥымза 28  рзы имҩаԥысыз аминистрцәа Реилазаара аилатәара аҿы Аԥсни Шьамтәылеи рыбжьара аполитикатә консультациақәа, акультура, абҩарҵәыреи аспорти русхкқәа рҿы аизыҟазаашьақәа рыҿиара, иара убас аҳазылхратә усура аҿы аусеицуреи аицхыраареи, иарбоу аҩ-ҳәынҭқаррак рҳазылхратә структурақәа рыбжьара адыррақәа реимадара аиҿкаара азы аӡбамҭақәа рыдыркылеит.

Аминистрцәа Реилазаара аҿы «Аԥсны Аҳәынҭқарра адәныҟатәи аусқәа Рминистрреи Шьамтәылатәи Арабтә Республика адәныҟатәи аусқәа Рминистрреи рыбжьара аҳәаанырцә иҟоу аџьынџьуаа русқәа рзы аполитикатә консультациақәа рганахьала аилибакаара азы Амеморандум» апроект шьақәдырӷәӷәеит.  Амеморандум апроект адгалара мҩаԥигеит  атәыла адәныҟатәи аусқәа рминистр ихаҭыԥуаҩ  Иракли Ҭыжәба.  «Иарбоу аусшәҟәы Аԥсни Шьамтәылеи рыбжьара адәныҟаполитикатә хылаԥшырҭақәа рыҩаӡараҿы аизыҟазаашьақәа рырӷәӷәара иацхраауеит», - ҳәа инаҵшьны иазгәеиҭеит иара.

Аҟәа. Мшаԥымза 28, 2022 шықәса. Аԥсныпресс. Аԥсны аминистрцәа Реилазаара Ареспубликатә ааԥхьаратә комиссиа аԥҵара азы Ақәҵара аднакылеит.

Аԥсны Арбџьармчқәа рыштаб Хада анапхгаҩы Васили Лунев иҟаиҵаз адыррақәа рыла, Аҳәынҭқарра Ахада Иусԥҟа ала, мшаԥымза  1 инаркны арратә ааԥхьаратә кампаниа алагеит.

Ааԥхьаратә кампаниа амҩаԥгара азы иаԥҵазар ахәҭоуп иара убас ареспубликатә ааԥхьаратә комиссиа. Уи напхгаҩыс даҭахоит ареспублика арратә комиссар.

Акомиссиа аилазаара иалалоит атәылахьчара Аминистрра, аҩныҵҟатәи аусқәа Рминистрра, аҵареи абызшәатә политикеи Рминистрра, иара убас агәабзиарахьчара Аминистрра ахаҭарнакцәа.

Акомиссиа актәи аилатәара мҩаԥгахоит лаҵарамза 3 азы.

Аҟәа. Мшаԥымза 28, 2022 шықәса. Аԥсныпресс.   Мшаԥымза 27 рзы Аԥсны адәныҟатәи аусқәа рминистр Инал Арӡынба ишиашо ицо аефир «Соловьев Live» ала Владимир Соловиов аинтервиу ииҭеит.  

Аиҿцәажәара аан Инал Арӡынба аԥсуа-урыстәылатәи аизыҟазаашьақәа ирыдҳәалоу актуалра злоу азҵаарақәа жәпакы дрылацәажәеит, Украина, Приднестровтәи Молдавтәи Ареспублика рҿы иахьа ишьақәгылаз аҭагылазаашьа азы, иара убас арегионалтә шәарҭадара азы ихатәы гәаанагара иҳәеит.

Аҟәа. Мшаԥымза 27, 2022 шықәса. Аԥсныпресс. Аԥсны аԥыза-министр Алеқсандр Анқәаб Аԥсны аҳәынҭқарратә Телерадиоеилахәыра анапхгара алархәны Аԥсуа радио аԥҵара  90- шықәса ахыҵра иазкны аиубилеитә усмҩаԥгатәқәа реиҿкаара иазку азҵаарақәа дрылацәажәеит.

Аԥсны аҳәынҭқарратә Телерадиоеилахәыра адиректор Хада Ирина Агрба аԥыза-министр арадио аиубилеи азгәаҭара иазкны иазԥхьагәаҭоу аусмҩаԥгатәқәа рзы адырра илҭеит.  Урҭ иреиуоуп Аԥсны асахьаҭыхыҩцәа Реидгыла ацәыргақәҵатә зал Хада аҿы ҷыдала еиҿкаахо амилаҭтә радиодырраҭара аҿиара аҭоурых аазырԥшуа афотоцәыргақәҵа. Иара убас  мшаԥымза 29 рзы Аԥсны аҳәынҭқаратә филармониа аҿы  аныҳәатә усмҩаԥгатә мҩаԥгахоит.

Аҟәа. Мшаԥымза 27, 2022 шықәса. Аԥсныпресс. Аԥсны аԥыза-министр Алеқсандр Анқәаб атәыла аенергетикатә усхкы аҿы ишьақәгылаз аҭагылазаашьа, ахархәара зауз афымцамч азы ашәатәқәа реизгареи ауалқәа ршәареи рганахьала аусмҩаԥгатәқәа рцашьа иазкны аилатәара мҩаԥигеит, ҳәа адырра ҟанаҵоит Аԥсны аминистрцәа Реилазаара апресс -маҵзура. Иалацәажәеит иара убас иҳаҩсыз ашықәс азы иҟалаз амшцәгьа иахҟьаны азарал зауз ауаа аматериалтә цхыраара рыҭара иазку анапхгаратә комиссиа аусурагьы.

Аилатәара рхы аладырхәит атәыла аԥыза-министр актәи ихаҭыԥуаҩ, ақыҭанхамҩа аминистр Беслан Џьопуа, аԥыза-министр ихаҭыԥуаҩ, афинансқәа рминистр Владимир Делба, аԥыза-министр ихаҭыԥуаҩ, аекономика аминистр Кристина Озган, аԥыза-министр ихаҭыԥуаҩ Сергеи Пустовалов, атуризм аминистр Ҭеимураз Хьышба, атәыла Анапхгара Аппарат аиҳабы Давид Сангәылиа.

Аҟәа. Мшаԥымза 27, 2022 шықәса. Аԥсныпресс. Аԥсны Жәлар Реизара-Апарламент аилатәара аҿы адепутатцәа 9 комитетк рхантәаҩцәа алырхит. Убас:

Дауҭ Хәытаба аҳәынҭқарра-зинтә политика азы акомитет ахантәаҩыс далхуп.

Беслан Ҳалуашь – абиуџьеҭи акредиттә еиҿкаарақәеи, ашәахтәқәеи афинансқәеи рзы акомитет ахантәаҩыс далхуп.

Резо Занҭариа – аекономикатә политикеи ареформақәеи, аинформациатә технологиақәеи рзы акомитет ахантәаҩыс далхуп.

Ҭемыр Шергелиа – атәылахьчареи амилаҭтә шәаҭадареи рзы акомитет ахантәаҩыс далхуп.

Аҟәа. Мшаԥымза 27, 2022 шықәса. Аԥсныпресс. Мшаԥымза 26 рзы Алхратә Комиссиа Хада аҿы Адлеиба Џьансыхә Иван-иԥа алхырҭатә ҭыԥхада №8 (Алашарбагатә) ала Жәлар Реизара-Апарламент адепутатрахь акандидатс иқәыргыларазы аԥшьгаратә гәыԥ ашәҟәы иҭагалоуп.

Уаанӡа ашәҟәы иҭагалан алхырҭатә ҭыԥхада №8 (Алашарбагатә) ала  Гәыбаз Леон Реваз-иԥа, Чачхалиа Иракли Заур-иԥа, Кәакәасқьыр Ҭемыр Омар-иԥа, Нарманиа Наур Геннади-иԥа Жәлар Реизара-Апарламент адепутатрахь акандидатс рықәыргыларазы аԥшьгаратә гәыԥқәа.

Алхратә ҭыԥхада №8 (Алашарбагатә) ала аиҭалхрақәа мҩаԥгахоит лаҵарамза 28 рзы.

Аҟәа. Мшаԥымза 27, 2022 шықәса. Аԥсныпресс. Аԥсны Жәлар Реизара-Апарламент аҩбатәи аилатәара аҿы есымша аус зуло апарламенттә комитетқәа жәба хьыӡҳәалатәи реилазаара шьақәырӷәӷәахеит.  Убас:

Аҳәынҭқарра-зинтә политика азы Акомитет:

  1. Акаба Алмас Даур-иԥа;
  2. Аиба Рашида Азареҭ-иԥҳа;
  3. Аршба Асҭамыр Борис-иԥа;
  4. Беииа Ҭемыр Абесалом-иԥа;
  5. Гәылариа Алиса Заур-иԥҳа;

6.Гыцба Инар Альберт-иԥа;

  1. Кәарҷиа Кан Валери-иԥа;
  2. Маршьан Дмитри Алеқсандр-иԥа;
  3. Рштуни Ерик Саӷаҭел-иԥа;

10.Саӡба Инар Астик-иԥа;

  1. Хәытаба Дауҭ Витали-иԥа;
  2. Ҳаразиа Адгәыр Рафеҭ-иԥа;
  3. Ҳалуашь Беслан Виктор-иԥа;
  4. Ҳагба Алмас Есмеҭ-иԥа;
  5. Емырхәба Беслан Инвер-иԥа.

Абиуџьеҭи акредиттә еиҿкаарақәеи, ашәахтәқәеи афинансқәеи рзы Акомитет:

  1. Аршба Асҭамыр Борис-иԥа;
  2. Барцыц Алхас Валикәа-иԥа;
  3. Занҭариа Резо Платон-иԥа;
  4. Кәарҷиа Кан Валери-иԥа;
  5. Лакоба Аслан Сулҭан-иԥа;
  6. Маршьан Дмитри Алеқсандр-иԥа;
  7. Ԥлиа Бадрик Игор-иԥа;
  8. Ҳагба Алмас Есмеҭ-иԥа;
  9. Ҳалуашь Беслан Виктор-иԥа.

Аҟәа. Мшаԥымза 27, 2022 шықәса. Аԥсныпресс. Аԥсны Жәлар Реизара-Апарламент аҩбатәи аилатәара аҿы адепутатцәа еицҿакны есымша аус зуа акомитетқәа  9 шьақәдырӷәӷәеит:

Аҳәынҭқарра-зинтә политика азы;

абиуџьети, акредиттә еиҿкаарақәеи, ашәахтәқәеи афинансқәеи рзы;

аекономикатә политикеи, ареформақәеи аинформациатә технологиақәеи рзы ;

атәылахьареи амилаҭтә шәарҭадареи рзы;

асоциалтә политикеи, аџьеи, агәабзиарахьчареи, адемографиеи, аибашьра аветеранцәеи аинвалидцәеи русқәа рзы;

Аҟәа. Мшаԥымза 26, 2022 шықәса. Аԥсныпресс. Мшаԥымза 22, 2022 шықәса рзы Аҟәатәи ақалақьтә Ӡбарҭа ахь Апрокуратура Хада аусеилыргаратә усбарҭа аусеилыргаратә ҟәша аусеилыргаҩ еиҳабы Ҭаркьыл  А.Б. иҟынтәи  атәыла ԥыхьатәи акультура аминистр Гәыдиса Агрбеи Надир Џьынџьали раанкылара азы азыҳәамҭа нашьҭын.  

Заанаҵтәи  аусеилыргара аусбарҭақәа рыла Гәдиса Агрба  Аԥсны  Аҳәынҭқарра Ашьаустә Закәанеидкыла ахәҭаҷ  157, ахәҭа 3, ахәҭаҷ 157, ахәҭа 4 (игәҩароу игәраганы инапы ианҵаз атәым мазара атәтәра, мамзаргьы изакәнымкәа аныхреи, даҽакала иуҳәозар, аҳәынҭқарратә мазара аимҵәара) инарықәыршәаны ацәгьоура анагӡара аҿы дыгәҩароуп ҳәа иԥхьаӡоуп.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me