21 Лаҵара 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Лаҵара 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

АЖӘАБЖЬҚӘА

Аҟәа. Мшаԥымза 26, 2022 шықәса. Аԥсныпресс. Аԥсны ауааԥсыра акоронавирустә ҿкы чымазара рацәыхьчара азы иаԥҵоу аоперативтә Штаб иҟанаҵо адыррақәа рыла, мшаԥымза 26 рзы алабораториатә гәаҭара иахысит 85 – ҩык,  урҭ рахьынтә COVID-19 азы адиагноз  4-ҩык рҿы ишьақәырӷәӷәахеит.

Гәдоуҭатәи араионтә хәышәтәырҭа Хада аҿы  астационартә хәышәтәра иахысуеит 3 - ҩык апациентцәа. Аԥсны ауааԥсыра акоронавирустә ҿкы чымазара рацәыхьчара азы иаԥҵоу аоперативтә Штаб аӡбамҭа инақәыршәаны Аԥсны Аҳәынҭқарра агәабзиарахьчара аминистр иҟаиҵаз Адҵа ала,  аковидтә ҟәшақәа аркуп Аҟәатәи аачымазара ҿыкқәа рыхәышәтәырҭа, иара убас Гагратәи, Очамчыратәи, Ҭҟәарчалтәи араионтә хәышәтәырҭа Хадақәа рҿы.

Аҟәа. Мшаԥымза 26, 2022 шықәса. Аԥсныпресс. Аԥсны агәабзиарахьчара аминистр Едуард Быҭәба аилазаара Med travel ахаҭарнакцәа Елена Симониани Арманд Малхасиани дырԥылеит, ҳәа иаанацҳауеит Аԥсны агәабзиарахьчара Аминистрра апресс-маҵзура.

Ари аиԥылара ихы алаирхәит 1992-1993 шш. Аԥсны Аџьынџьтәылатәи еибашьра аинвалидцәа Рфонд ахантәаҩы ихаҭыԥуаҩ Емзар Ашәуа.   Аилазаара Med trevl Аԥсны агәабзиарахьчара Аминистрреи аинвалидцәа Рфонди абар шьҭа шықәсык инеиҳаны аусеицура рыбжьоуп. Ари аиҿкаара Аԥсны атәылауаа Ермантәылаҟа ахәышәтәразы рдәықәҵара аус аҿы ацхыраара ҟанаҵоит.

Аиԥылара аҿы Аԥсны атәылауаа хәыда-ԥсада ихымԥадатәиу аԥҟарақәа рзура азы акциа амҩаԥгаразы ззаанаҭтә ҩаӡара ҳараку ермантәылатәи аҳақьымцәа Аԥсныҟа ааԥхьара рыҭара азы аҩганк аиқәшаҳаҭра рыбжьарҵеит.

Аҟәа. Мшаԥымза 26, 2022 шықәса. Аԥсныпресс. Мшаԥымза 22- 24 рзы Ставрополь ақалақь аҿы 2007 – 2014 шш. рзы ииз арԥарцәа рыбжьара зхы иақәиҭу аиқәԥара азы иаарту атәылаҿацәтә турнир мҩаԥысуан.

Атурнир зынӡа рхы аладырхәит Краснодартәи атәылаҿацәи Нхыҵ-Кавкази рҟынтәи 150 – ҩык инарзынаԥшуа аспортсменцәа. Аԥснынтәи ари атурнир аҿы иқәгылеит Аҟәа ақалақь Ахадара аҿари аспорти русқәа рзы Аусбарҭа зхы иақәиҭу аиқәԥара асекциа ааӡамҭацәа. Урҭ атурнир аихшьаалақәа рыла, еиуеиԥшым аҩаӡара змоу 9 медалк раиура рҽаԥсартәит.

Зыкапантә категориа 38 кьыла рҟынӡа инаӡо рыбжьара актәи  аҭыԥ  ааникылеит Алан Қаԥба.

Аҟәа. Мшаԥымза 26, 2022 шықәса. Аԥсныпресс. Мшаԥымза  27 рзы имҩаԥысраны иҟоу Аԥсны Жәлар Реизара-Апарламент абыжьбатәи ааԥхьара аҩбатәи аилатәара аҿы 12  амшхәаԥштә зҵарақәа ирыхәаԥшраны иҟоуп.

Апарламент адепутатцәа реилазаара ҿыц апарламенттә комитетқәа жәба, иара убас урҭ хьыӡҳәалатәии рхыԥхьаӡаратәии реилазаареи шьақәнарӷәӷәараны иҟоуп.  Уаҵәы иара убас абарҭ апарламенттә комитетқәа рхантәаҩцәа алархраны иҟоуп:

Аҟәа. Мшаԥымза 26, 2022 шықәса. Аԥсныпресс.  2022 шықәса I аԥшьбара иалагӡаны Ареспублика Аԥсны аҳәынҭқарратә шәарҭадара Амаҵзура аусзуҩцәеи Урыстәыла Афедералтә Шәарҭадара Амаҵзура Аҳәаахьчаратә Усбарҭа аусзуҩцәеи 250 – ҩык инареиҳаны Аԥсны аҳәынҭқарратә ҳәаа еилазгаз раанкылара рылдыршеит, ҳәа иаанацҳауеит Аԥсны Аҳәынҭқарратә Шәарҭадара Амаҵзура аофициалтә саит.

 «Аҳәаахьчаратә режим аилагара азы»   Аԥсны Аҳәынҭқарра административ-зинтә еилагарақәа рзы Азакәанеидкыла ахәҭаҷ 190, «Ареспублика Аԥсны аҳәынҭқарратә ҳәаа арежим аилагара азы» ахәҭаҷ  190.1., «Ареспублика Аԥсны амшынтә ҵакыреи аҩныҵҟатәи амшынтә ӡқәеи рҿы аҳәаатә режим аилагараазы»  ахәҭаҷ 190.2., «Аԥсны аҳәынҭқарратә ҳәаа ахьчара азы зуалԥшьа назыгӡо аруаҩ  иҳәатәы ацымныҟәареи азакәантә дҵаҟаҵара анамыгӡареи рзы» ахәҭаҷ 190.4. инарықәыршәаны, иаанкылоу ауаа административтә хьырхәра иақәыршәоуп.  

«Ареспублика Аԥсны аҳәынҭқарратә ҳәаа изакәанымкәа ахысра азы» Аԥсны Аҳәынҭқарра Ашьаустә Закәанеидкыла ахәҭаҷ  324, 1-тәи аҟәша инақәыршәаны ашьауӷатә усеилыргарақәа ҩба хацыркуп.

Аҟәа. Мшаԥымза 26, 2022 шықәса. Аԥсныпресс. Аԥсны Аҳәынҭқарра Ауаажәларратә Палата аполитикатә партиақәеи ауаажәларратә Еиҿкаарақәеи рҟынтәи аконкурстә лыԥшаара аҳасабала аҭыԥҭацәқәа ҩба рхарҭәааразы арзаҳалқәа рыдкылара иалагоит.

Аусшәҟәқәа рыдкылара мҩаԥыслоит лаҵарамза 16, 2022 шықәсанӡа.

Аимадаразы аҭел: (+7 840) 226 02 38.

«Аԥсны Аҳәынҭқарра Ауаажәларратә Палата азы» азакәан ахәҭаҷ 7 инақәыршәаны, Ауаажәларратә Палата алахәылас дҟалар ауеит ҩажәи акы шықәса зхыҵхьоу Аԥсны Аҳәынҭқарра атәылауаҩ.

Аҟәа. Мшаԥымза 26, 2022 шықәса. Аԥсныпресс. Аԥснытәи аспортсмен қәыԥш Нестор Цужба мшаԥымза 22 -24 рзы Краснодар ақалақь, атеннистә центр «Сибирь» аҿы имҩаԥысуаз Урыстәылатәи аԥкьаҭмпылтә тур атурнир аҿы аиааира игеит.

Аԥснытәи аԥкьаҭмпыласҩы Нестор Цужба ақәратә категориа 9-10 шықәса иаҵанакуа рыбжьара дықәгылан.

Аҟәа. Мшаԥымза 26, 2022 шықәса.  Аԥсныпресс. Аҳәынҭқарра  Ахада усуратә визитла Москваҟа дцеит.

Аҟәа. Мшаԥымза 24, 2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа Аԥсны Аҳәынҭқарраҟны аиашахаҵара ныҟәызго ақьырсианцәеи Мшаԥныҳәа азгәазҭо ҳауаажәлар зегьи дрыдныҳәалеит. 

Акыр иаԥсоу ҳауаажәлар!

Ишәыдысныҳәалоит Мшаԥныҳәа Лаша!

Иԥшьоу Мшаԥныҳәа ҿыцәаара зқәым анцәахаҵара алашара иахылҵуа ҩныҵҟала ԥхарра ҷыдак ҳазҭо ныҳәа дууп.

Аҟәа. Мшаԥымза 24, 2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа Москватәии Урыстәылазегьтәии Иԥшьаӡоу Апатриарх Кирилл ишҟа адныҳәаларатә цҳамҭа ишьҭит.

Адныҳәаларатә текст аҟны иҳәоуп:

 

«Иԥшьаӡоу Апатриарх!

Гәык-ԥсык ала ишәыдысныҳәалоит Мшаԥы Лаша аныҳәа! 

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me