21 Лаҵара 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Лаҵара 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

АЖӘАБЖЬҚӘА

Аҟәа. Мшаԥымза 24, 2020 шықәса. Аԥсныпресс.   Аԥсны Аҳәынҭқарра Ахада Аслан Бжьаниа аерманцәа ргеноцид иалаӡыз ргәалашәара амш инамаданы аерман жәлар рыхьӡала адышшылара ҟаиҵеит:

«Илахьеиқәҵагоу ари амш аҽны гәыкала срыдышшылоит Аԥсны иқәынхо аерманцәа рдиаспора ахаҭарнакцәа, аерман жәлар зегьы.

Иахьа ҳаҭырла иаҳгәалаҳаршәоит ХХ ашәышықәса алагамҭазтәи ахҭыс бааԥсқәа ирылаӡыз.

Аҟәа. Мшаԥымза 24, 2022 шықәса. Аԥсныпресс. Шьамтәылатәи Арабтә Республика Ахада Башар Аль-Асад Аԥсны Аҳәынҭқарра Ахада Аслан Бжьаниа ишҟа Мшаԥныҳәазы адныҳәалара ааишьҭит.

«Ҳаҭыр зқәу Аслан Гьаргь-иԥа!

Гәахәара дула  гәык-ԥсык ала Иԥшьоу Мшаԥныҳәа шәыдысныҳәалоит, ишәзеиӷьасшьоит агәабзиара, ахирра, аизҳазыӷьара, ҳаиашьаратә тәыла иқәынхо шәыуаажәлар – аԥеиҧш лаша, аихьӡарақәа.

Аҟәа. Мшаԥымза 24, 2022 шықәса. Аԥсныпресс.  Мшаԥымза 24 ауха Аԥсны Аҳәынҭқарра Ахада Аслан Бжьаниа Анцәадзыхшаз лыхьӡала иҟоу Аҟәатәи Акафедралтә  ныхаҟны имҩаԥысуаз Мшаԥныҳәа иазкыз анцәамаҵзура далахәын.

Аҟәа. Мшапы 14.  2022 шықәса. Аԥсныпресс. Иахьа Акультура аминистр Даур Ақаҩба акультура аусзуҩцәа ирыдиныҳәалеит Акультура жәларбжьаратәи амш

Адныҳәалараҿы иазгәаҭоуп:

«Иахьатәи амш схы иархәаны, иҭабуп ҳәа расҳәарц сҭахуп хаҭала аҟазара знапы алаку зегьы, ҳатрадициа беиақәа рыхьчареи реизырҳареи рзы зымч-зылша иамеигӡо. Шәара шәҟазара ауаа ирызцәырнагоит еиуеиԥшым аемоциа ҳаракқәа, аҿар ирыланааӡоит асахьаркыратә гьама бзиа, ирынаҭоит алшара рҟазаратә потенциал аартреи аԥсҭазаара аларҵәареи рзы.

Аҟәа. Мшаԥымза 28, 2022 шықәса. Аԥсныпресс.  Аԥшьаша, мшаԥымза 28 рзы имҩаԥысыз атәыла анапхгара аилатәара аҿы асоциалтә еиқәыршәареи адемографиеи рминистр Руслан Аџьба аҳәынҭқарратә ахықәкытә программа «Анхарҭа –2022» аҳәаақәа ирҭагӡаны апрограмматә усмҩаԥгатәқәа рымҩаԥгара азы аҳасабырба ҟаиҵеит.  

Иарбоу апрограмма анагӡара алацәажәара иацҵо атәыла аԥыза-министр Алеқсандр Анқәаб аминистрцәа Реилазаара аилатәара ашьҭахь аԥыза-министр ихаҭыԥуаҩ  Сергеи Пустовалов, асоциалтә еиқәыршәареи адемографиеи рминистр Руслан Аџьбеи аҳәынҭқарратә программа «Анхарҭа–2022» анагӡара азы анапхгарабжьаратәи анагӡара-аихшаратә комиссиа амаӡаныҟәгаҩ   Ромео Черқьезиеи алархәны аилацәажәара мҩаԥигеит.

Аҟәа. Хәажәкырамза 18, 2022 шықәса. Аԥсныпресс.  Атуристтә сасааирҭа «Аиҭар» инхоз 37-ҩык ахҵәацәа рыԥсадгьыл ахь амҩа иқәлеит.  Урҭ рахьынтә 34 – ҩык Лугансктәи Жәлартә Республика ахь ихынҳәуеит, хҩык – Донецктәи Жәлартә Республика ахь.  Адәыӷба «Аҟәа-Москва» ала арҭ аҩ-республикак ртәылауаа ақалақь Каменск-Шахтинск аҟынӡа инеиуеит, анаҩс Ростовтәи аоблсть ақалақь аҟынӡа инагахоит.

Аҟәа. Хәажәкырамза  18, 2022 шықәса. Аԥсныпресс.  Аԥсны Аҳәынҭқарра Ахада Аслан Бжьаниа Аԥсны Аҳәынҭқарра Ахәаахәҭра-Ааглыхратә Палата аԥҵоижьҭеи 20 шықәса ахыҵра амш инамаданы уи Ахада лыхьӡала адныҳәалара ҟаиҵеит.

«Ҳаҭыр зқәу Ҭамила Валери-иԥҳа!

Ишәыдысныҳәалоит Аԥсны Аҳәынҭқарра Ахәаахәҭра-Ааглыхратә Палата аԥҵоижьҭеи  20 шықәса ахыҵра амш. 

Ахәаахәҭра-Ааглыхратә Палата аусура аҵак ҷыда змоу, хшыҩзышьҭра ззутәу акоуп. Шәара аԥсуа наплакыҩцәа ринтересқәа ӡырыжәгоит, ҳтәыла ахьӡ-аԥша аҳәаанырцәтәи атәылақәа ирылашәырҵәоит, аустә хыԥша бзиа ашьақәыргыларазы аҭагылазаашьақәа аԥышәҵоит.

Иахьа, шәара Ахәаахәҭра-Аглыхратә Палата ашьаҭаркҩы, раԥхьатәи ахада Геннади Леонид –иԥа Гагәылиа иаԥиҵаз атрадициақәа еихаҳауа иаажәгоит.

Геннади Гагәылиа ихаан Ахәаахәҭра-Ааглыхратә Палата жәларбжьаратәи аҩаӡара  аҟынӡа ишьҭыхын. Аиҿкаара аҿиареи апозициа арӷәӷәареи рыҟны уи илагаламҭа ахә ашьара уадаҩуп. Ахәаахәҭра-Ааглыхратә Палата аусура аҵакы дуӡӡоуп ҳара ҳтәылазы, избанзар шәара ишәылшеит ҳахьӡ адунеи аларҵәара.

Ареспублика жәларбжьаратәи азхаҵара аиуаанӡа, Ахәаахәҭра-Ааглыхратә Палата имҩаԥнагоз аусура, еиуеиԥшым жәларбжьаратәи ацәыргақәҵақәа, иара убас егьырҭ аусмҩаԥгатәқәа рыҽрылархәрала Аԥсны, уи акультуреи аекономикеи, ҳтәыла иҭнажьуеи рзы аинформациа аларҵәара иаҿын. Ҳара еилаҳкаауеит ари ахьынӡауадаҩыз. Иахьагьы шәусураҟны ишәԥыло ауадаҩрақәа маҷӡам. 

Аҟәа. Хәажәкырамза 17, 2022 шықәса. Аԥсныпресс. Гәдоуҭа араион Дәрыԥшь ақыҭан аиашахаҵаратә уахәама аиҭашьақәыргылара иазкын иахьа атәыла аԥыза-министр иҟны имҩаԥысыз Алеқсандр Анқәаби ареставрациатә усурақәа раԥшьгаҩы, адинмаҵзуҩы аб Гавриили (Виноградов-Лакербаиа реиԥылара.

Аиԥылара рхы аладырхәит акультура аминистр инапынҵақәа назыгӡо Динара Смыр, аҭоурых-культуратә ҭынха аиқәырхара азы акультура аминистр ихаҭыԥуаҩ Гарри Сангәылиа, аҟазараҭҵааҩы, археолог Сурам Сақаниа.

Алеқсандр Анқәаб Аԥааимбар Михаил  ихьӡ зху Дәраԥшьтәи аныхабаа аиҭашьақәыргылара азы аидеиа дадгылеит, убри аан уи, ари азҵаара уаанӡагьы ишьҭырххьан ҳәа иазгәеиҭеит. Уажәы архитектуратә ӡбамҭақәак цқьа аилкаара мҩаԥысуеит, урҭ, аԥыза-министри аспециалистцәеи ргәаанагарала, ашәышықәсақәа рыла Аԥсны ишьақәгылаз ауахәаматә ргылара атрадициақәа рныԥшуазароуп.

Аҟәа. Хәажәкырамза 17, 2022 шықәса. Аԥсныпресс.  Аԥсны амҩадуқәа рҿы автомҩатә ныҟәара аиҿкаара иадҳәалоу азҵаарақәа ирызкын иахьа аԥыза-министр Алеқсандр Анқәаб иҟны имҩаԥысыз аусуратә еилатәара.

Аусуратә еилатәара аҿы амҩақәа рҭагылазаашьа, арлашара, амҩатә дыргақәа рышьақәыргылара, амашьына аласра аларҟәра иазу ашьақәгылагақәа рышьҭаҵара, амҩаҿы ымашәыртә хҭысқәа рхыԥхьаӡара армаҷра, амҩаҿы аныҟәара аԥҟарақәа рықәныҟәара, аиҭашьқәыргыларатә усурақәа рымҩаԥгара, амҩатә цәаҳәақәа ррыцқьара, уҳәа азҵаарақәа жәпакы ирылацәажәеит.   

Аҟәа. Хәажәкырамза 17, 2022. Аԥсныпресс. Урыстәылатәи Афедерациа Ахада Владимир Путин иҭижьыз Ақәҵарала Алеқсеи Двинианин Аԥсны иҟоу Урыстәыла Аҷыдалкаатә зинмчы змоу Ацҳаражәҳәаҩ имаҵура аҟынтәи ихы дақәиҭтәуп. Абри атәы аанацҳауеит азинтә информациа аинтернет-портал.

Алеқсеи Двинианин Аԥсны иҟоу Урыстәыла Ацҳаражәҳәаҩыс дҟаҵан хәажәкырамза  30, 2018 шықәса рзы. Уаанӡа ари амаҵураҭыԥ ааникылон Ацҳаражәҳәаҩ Семион Григориев.  

Алеқсеи Двинианин Аԥсны Ацҳаражәҳәаҩыс дҟалаанӡа Урыстәылатәи Афедерациа адәныҟатәи аусқәа Рминистрра аҟны иҟоу Ихьыԥшым Аҳәынҭқаррақәа Реиҩызара  иалоу атәылақәа аԥшьбатәи адепартамент адиректор ихаҭыԥуаҩ имаҵураҭыԥ ааникылон. (2009 – 2018 гг). 2011 шықәса инаркны 2018 шықәсанӡа уи иара убас Кавказнҭыҵ ашәарҭадареи  аҭышәынтәалареи рышьақәыргыларазы Женеватәи адискуссиақәа рҿы урыстәылатәи аделегациа ахада ихаҭыԥуаҩыс дыҟан.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me