21 Лаҵара 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Лаҵара 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

АЖӘАБЖЬҚӘА

Аҟәа. Хәажәкырамза 17, 2022 шықәса. Аԥсныпресс. Афилалогиатә наукақәа ркандидат, ААУ адоцент Арда Ашәба Д.И. Гәлиа ихьӡ зху Аԥснытәи агуманитартә ҭҵаарақәа Ринститут адиректорс деиҭалхуп.

Азеиԥш еизара алагаанӡа аҵарауаа минуҭктәи аҿымҭрала зыԥсҭазаара иалҵыз рколлегацәа ргәаладыршәеит.

Аинститут адиректор иалхра Арда Ашәба ари амаҵураҭыԥ аҿы иҟазаара иазыԥҵәоу аҽҳәара анҵәара инамаданы иазԥхьагәаҭахеит.

Аизара ахантәаҩыс далхын алингвист, афилологиатә наукақәа ркандидат Лили Ҳагба, аизара амаӡаныҟәгаҩыс  -  академик, апоет, аиҭагаҩ Владимир Занҭариа.

Арда Ашәба Аинститут аҵарауаа реилазаареи аколлективи рҿаԥхьа 5 шықәса ирылагӡаны имҩаԥгаз аусура азы ажәахә ҟаиҵеит.

Аинститут адиректор имаҵураҭыԥ ахь Арда Ашәба икандтидатура заҵәык ауп иқәыргылаз.

Аҟәа. Хәажәкырамза 17, 2022 шықәса. Аԥсныпресс. Аԥсны аҵареи абызшәатә политикеи рминистр Инал Габлиа Урыстәылатәи аҵарадырра Академиа ааԥхьарала  ихы алаирхәуеит хәажәкырамза 17-18, 2022 шықәса рзы УАА абаза аҿы имҩаԥысуа «Апедагогикатә ҵара Урыстәылатәи аклассикатә университет аҿы» ҳәа хыс измоу I Урыстәылазегьтәи Афорум.

Афорум ахықәкы хаданы иҟоуп Урыстәылеи Ихьыԥшым Аҳәынҭқаррақәа Реиҩызареи рҿы апедагогикатә ҵарадырра ихадоу ахырхарҭақәа ралкаара, уи аклассикатә университетқәа рыструктура аҿы иааннакыло аҭыԥи инанагӡо ароли, акадрқәа разыҟаҵара, ихадоу аԥышәатә проблемақәеи аинновациатә тенденциақәеи иаԥхьанеиуа асистема аҳасабала уи ашьақәгылара, уҳәа алацәажәара.

Аҟәа. Хәажәкырамза 17, 2022 шықәса. Аԥсныпресс.  Аԥсны Аԥсны адәныҟатәи аусқәа Рминистрра Аԥсны ауааԥсыра рзы ирмариоу аформала ҩ-тәылауаҩрак аиуразы аиқәшаҳаҭра анапы шаҵаҩхо азы аҳәамҭа ҟанаҵеит.

Аиқәшаҳаҭра аҳәаақәа ирҭагӡаны аԥснытәи атәылауаа ирмариоу аформала Урыстәыла атәылауаҩра аиуразы арзаҳал аҩра рылшоит. Урыстәыла атәылауаҩрахь рыдкылара аҭагылазаашьақәа ҳәаақәҵахоит Урыстәыла ахада Владимир Путин иӡбрала.

Ирмариоу атәылауаҩра иоура ганктәны иҟоуп. Урыстәыла атәылауаа Аԥсны атәылауаҩра ирмарианы ироуам. Аиқәшаҳаҭра аԥснытәи атәылауаҩра азеиԥш ҟазшьала еиԥш ирмариоу аҟазшьалагьы аиура аԥҟара аԥсахуам. Аҩҳәынҭқаррак ртәылауаҩра змоу ахаҿқәа иааиԥмырҟьаӡакәа иахьынхо аҳәынҭқарра азакәанԥҵара инақәыршәаны асоциалтәи, амедицинатәи маҵзура, аҵарадырра роур рылшоит.

Аҟәа. Хәжәкырамза 17, 2022 шықәса. Аԥсныпресс.  Ахәылбыҽха, хәажәкырамза 16 рзы, Аҟәа араион Ешыра ақыҭан 1992-1993 шш. Аԥсны Аџьынџьтәылатәи еибашьраан аҳҭнықалақь ахақәиҭтәразы имҩаԥгаз марттәи ажәылара аҿы иҭахаз аибашьцәа ргәалашәара иазкыз акциа мҩаԥысит.

Аҟәа араион Ахадареи Ешыратәи арратә ахьӡ-аԥша амузеи русзуҩцәа, иара убас  Ешыратәи абжьаратәи ашкол аиҳабыратә классқәа рҵаҩцәеи ақыҭа аҿари 800 инарзынаԥшуа ацәашьқәа адыркит. Ацәашьқәа аладатәи Гәымсҭатәи ацҳа иаваршәны ицо амҩа ахықәи, иара убас Аԥсны Актәи Ахада Владислав Арӡынба имемориал аҿаԥхьеи идыргылеит.

Амузеи адиректор Марина Тәанба лажәақәа рыла, агәалашәаратә усмҩаԥгатәқәа есышықәса имҩаԥгахоит.

Ахьҭеи аԥшасреи шыҟазгьы аҿар ацәашьқәа адыркуан, урҭ мыцәарц иахылаԥшуан.

Аҟәа. Хәажәкырамза 16, 2022 шықәса. Аԥсныпресс. Иахьа Р. Гәымба ихьӡ зху Аԥснытәи аҳәынҭқарратә филармониа аҿы имҩаԥысит есышықәса еиҿкаахо  «1992-1993 шш. Аԥсны Аџьынџьтәылатәи еибашьра аҿы иҭахаз афырхацәа ргәалашәара азы» аконцерт. Традициала ишаԥу еиԥш, уи 1993 шықәса рзы ҳтәыла аҳҭнықалақь агаразы имҩаԥгаз, 222-ҩык аԥсуа еибашьцәа рыԥсҭазаара ҿахызҵәаз марттәи ажәылара атрагетиатә хҭысқәа ирызкуп.

Агәалашәаратә хәылԥазы рхы аладырхәит Р.Гәынба ихьӡ зху Аԥснытәи аҳәынҭқарратә филармониа асолистцәа: Аԥсны Зҽаԥсазтәыз артистка  Асида Шьакаиа (сопрано), Елена Анқәаб (сопрано), Нана Черқьезиа (сопрано), Альдона Ҵкәуа (сопрано), Ныгәзар Какалиа (баритон), Алхас Ферзба (бас), Асҭанда Џьыкырба (фортепиано), иара убас Челиабинтәи аҳәынҭқарратә филармониа асолистцәа.  

Аҟәа. Хәажәкырамза 16, 2022 шықәса. Аԥсныпресс. Аԥсны агәабзиарахьчара аминистр Едуард Быҭәба Ирина Ануа иҷыдоу Ареспубликатә психиатриатә хәышәтәырҭа аҳақьым хада имаҵураҭыԥ аҿы дшьақәирӷәӷәеит.

Абри азы иарбоу амедицинатә усбарҭа аколлектив адырра риҭеит Едуард Ԥлиа.

«Ирина Михаил-иԥҳа уажәаԥхьагьы ари ахәышәтәырҭа аҳақьым хада инапынҵақәа налыгӡон, шәаргьы  уи ибзиаӡаны дыжәдыруеит.  Ахәышәтәырҭа аҿы иҟоуп азҵаарақәа ҳаилаланы иҳаӡбаша. Атәыла агәабзиарахьчара Аминистрра иахәҭоу ацхыраара ҟанаҵоит, уи аринахысгьы иацнаҵоит»,- ҳәа иҳәеит агәабзиарахьчара аминистр.

Ахәҭакахьала, Ирина Ануа илоуз агәрагара азы иҭабуп ҳәа лҳәеит.

«Раԥхьаӡа иргыланы ари аколлектив зегьы акомандатә усуроуп, аӡәаӡәала ари иҷыдоу амедицинатә усбарҭаҿы иҟоу имариам азҵаарақәа рыӡбара акыр иуадаҩуп. Ҳус анагӡара азы ҳамчи ҳахшыҩи еилаҵаны аус ааулап», - ҳәа илҳәеит лара.

Аҟәа. Хәжәкырамза 16, 2022 шықәса. Аԥсныпресс.  Хәажәкырамза 19 рзы Москва ақалақь, Ауниверсалтә Спорттә Комплекс «Крылья Советов» аҿы абокс ахәылԥаз аҳәаақәа ирҭагӡаны имҩаԥысраны иҟоуп аԥсуа спортсмен Баҭал Чежьиа иреитингтә еиндаҭлара.  Абри азы адырра ҟанаҵоит Аԥсны аҿари аспорти рзы аҳәынҭқарратә Еилакы аофициалтә саит.

Аԥснытәи аспортсмен диеиндаҭлоит Ҭадџьыкьысҭантәи аспортсмен-абоксиор   Махмадражаб Шарипов (2-1-0). Ф-раундкны иҟоу аинаҭлара аҩбатәи абжьаратәи акапантә категориа аҿы имҩаԥыслоит.

Аиндаҭлара ишиашоу ицо атранслиациа  ателеканал «Спортивный» ала  иубар алшоит.

Аҟәа. Хәажәкырамза 16, 2022 шықәса. Аԥсныпресс.  Ареспублика Никарагуа иҟоу Аԥсны Аҳәынҭқарра азинмч нагӡеи анапынҵа ҷыдақәеи змоу ацҳаражәҳәаҩ Инар Ладариа Ареспублика Никарагуа иҟоу Урыстәылатәи Афедерациа ацҳаражәҳәаҩи Ареспублика Никарагуа иҟоу Боливариантәи Ареспублика Венесуела ацҳаражәҳәаҩи дырԥылеит.

2022 шықәса хәажәкыра 15 азы Ареспублика Никарагуа иҟоу Урыстәылатәи Афедерациа ацҳаражәҳәаҩ Александр Хохоликов Ареспублика Никарагуа иҟоу Урыстәылатәи Афедерациа ацҳаражәҳәаҩ Ирезиденциахь инеиԥхьеит Ареспублика Никарагуа иҟоу Аԥсны Аҳәынҭқарра азинмч нагӡеи анапынҵа ҷыдақәеи змоу ацҳаражәҳәаҩ Инар Ладариеи Ареспублика Никарагуа иҟоу Урыстәылатәи Афедерациа ацҳаражәҳәаҩи Ареспублика Никарагуа иҟоу Боливариантәи Ареспублика Венесуела ацҳаражәҳәаҩ Хосе Франсиско Хавьером Арруе де Паблои.

Аҟәа. Хәажәкырамза 16, 2022 шықәса. Аԥсныпресс. 2020 шықәсазы аиндаҭлара «Аԥсны агәадура» аҟны иаиааииз ахәҩык ируаӡәку Абзагә Ҵәыџьба Урыстәыла иҟоу Аԥсны Ацҳаражәҳәарҭа апресс-маӡаныҟәгаҩыс дҟаҵоуп.

Абзагә Ҵәыџьба Урыстәылатәи Афедерациа Ахада иҟны иҟоу жәлар рынхамҩеи аҳәынҭмаҵзуреи рзы Академиа аспирантура аҿы аҵара иҵоит.

Аҟәа. Хәажәкырамза 16, 2022 шықәса. Аԥсныпресс. Аҟәа ақалақь аҿы имҩаԥысит Ахьӡ-Аԥша апарк аҿы иҟоу афырхацәа Рмемориал амҵан ашәҭ шьыҵәрақәа рышьҭаҵара ацеремониа. Уи 1992-1993 шш. Аԥсны Аџьынџьтәылатәи еибашьраан аҳҭнықалақь ахақәиҭтәра иазкыз Марттәи ажәылараҿы иҭахаз ргәалашәара иазкын.   

Иҭахаз афырхацәа ргәаладыршәарц арахь имҩахыҵит Аҳәынҭқарра Ахада Аслан Бжьаниа, Аҳәынҭқарра Ахада ихаҭыԥуаҩ Бадра Гәынба, атәыла аԥыза-министр Алеқсандр Анқәаб, Жәлар Реизара-Апарламент Аиҳабы Валери Кәарҷиа, Аҳәынҭқарра Ахада Иусбарҭа Анапхгаҩы Алхас Кәыҵниа, аԥыза-министр ихаҭыԥуаҩ, афинансқәа рминистр Владимир Делба, Аԥсны Аҳәынҭқарраҿы иҟоу  Урыстәылатәи Афедерациа аусқәа рзы Аамҭалатәи агәрага Максим Литвинов, Аԥсны иҟоу Аахыҵ Уаԥстәылатәи Ареспублика Ацҳаражәҳәаҩ Олег Боциев, Аԥсны иҟоу Приднестровтәи Молдавтәи Ареспублика аофициалтә хаҭарнак Гарри Кәпалба, аибашьра аветеранцәа, хатәгәаԥхарала еибашьуаз, Жәлар Реизара-Апарламент адепутатцәа, атәыла Анапхгара алахәылацәа, Аԥсны Аҳәынҭқарра ауаажәларратәии аполитикатәии аиҿкаарақәа рхаҭарнакцәа.   

Аԥсны аҳҭнықалақь агаразы имҩаԥгаз мараттәи ажәылараҿы усҟан иҭахеит 222-ҩык аԥсуа еибашьцәа, шәҩыла еиуеиԥшым ахәрақәа роуит,  23 – ҩык хабарда ибжьаӡит.  

Ҟарачы-Черкессиантәи дааны хатәгәаԥхарала Аԥсны еибашьуаз Татиана Кочи хәажәкырамза  16 рзы лҩыза дышлыԥхаз атәы еиҭалҳәеит: «Ҳара зегьы иаҳхамышҭуазароуп иахьа абри адунеи ҳақәлартә еиԥш аҟалара зыԥсҭазаара ақәызҵаз, иҳамоу ахақәиҭра зшьала икәабоу афырхацәа. Иахьа  алахьеиқәҵаратә, агәалашәаратә мшуп. Хәажәкырамза 15 – 16, 1993 шықәса  -  ари даара ирацәаны аҿар, иреиӷьыз аԥсадгьыл аҵеи иашақәа зыԥсҭазаара ҿахызҵәаз атрагедиатә мшқәоуп.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me