21 Лаҵара 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Лаҵара 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

АЖӘАБЖЬҚӘА

Аҟәа. Хәажәкырамза 15, 2022 шықәса. Аԥсныпресс. «Аԥсны Жәлар Реизара-Апарламент адепутатцәа ралхразы» Аконтитуциатә Закәан ахәҭаҷ 36 инақәыршәаны,  Аԥсны Алхратә Комиссиа Хада алхрақәа аҩбатәи атур амҩаԥгаразы арыцхә шьақәнарӷәӷәеит.   Уи мҩаԥгахоит алхратә округқәа 17 рҿы: 

Алхратә Округ №1 (Аҳабла Ҿыц)

Гыцба Инар Альберт-иԥа; 

Кәыҵниа Гәында Сергеи-иԥҳа;

Алхратә Округ №2 (Аҳабла Ҿыц)

Ҳалбад Дмитри Гарри-иԥа;

Герхьелиа Асҭамыр Баҭал-иԥа, апартиа  «Амцахара» 

Алхратә Округ № 3 (Аихамҩа Аҳабла)

Салаҟаиа Нарсоу Беслан-иԥа;

 Думаа Хына Владимир-иԥа;

ЧАГРЫԤШЬ АҚЫҬАҾЫ АҨНЫ АМЦА АКИТ.

Аҩаша, 15 Хәажәкыр 2022 21:43

Аҟәа. Хәажәкырамза 15, 2022 шықәса. Аԥсныпресс. Гагра араион  Чагрыԥшь ақыҭан абарактә  ргылара иаҵанакуа еихагылакны иҟоу аҩны амца акит.  

Ԥшьгәыԥк амцарцәаҩцәеи Гагра ақалақь Аԥшаара-еиқәырхаратә отриад аиқәырхаратә ҟәшеи иаарласны адырра  ахьыҟалаз аҭыԥ ахь инеит. 15 сааҭи 36 минуҭи рзы урҭ аҭыԥ аҟынӡа инаӡеит.  Аха аҩны аиқәырхара залымшахеит. Аӡәгьы ааха имоуӡеит.

Аҟәа. Хәажәкырамза 15, 2022 шықәса. Аԥсныпресс. Иҳаҩсыз уахыки-ҽнаки рыла акоронавирустә ҿкы чымазара азы агәаҭара иахысит 157-ҩык. COVID-19 азы адиагноз 58 - ҩык рҿы  ишьақәыргылоуп, ҳәа адырра ҟанаҵоит ауааԥсыра акоронавирустә ҿкы чымазара рацәыхьчара азы Аоперативтә Штаб.

Гәдоуҭатәи араионтә хәышәтәырҭа Хада  аҿы ишьҭоуп  18 – ҩык апациентцәа, 4-ҩык ргәабзиара аҭагылазаашьа акыр иуадаҩуп, 14 -ҩык апациентцәа рҭагылазаашьа бжьаратәуп. Аҟәатәи аинфекциатә хәышәтәырҭа аҿы ишьҭоуп 22-ҩык апациентцәа, 10-ҩык ргәабзиара аҭагылазаашьа акыр иуадаҩуп, Очамчыратәи араионтә хәышәтәырҭа Хада аҿы –8-ҩык, Гагратәи араионтә хәышәтәырҭа Хада аҿы – 11 - ҩык, аӡәы игәабзиара аҭагылазаашьа акыр иуадаҩуп, Ҭҟәарчалтәи араионтә хәышәтәырҭа Хада аҿы ишьҭоуп –  4  - ҩык апациентцәа.

Гәдоуҭатәи араионтә хәышәтәырҭа Хада аҿы иԥсҭазаара далҵит 88 шықәса зхыҵуаз ахаҵа. .

Акороновирусттә ҿкы чымазара зыхьыз ауаа рзеиԥш хыԥхьаӡара иахьазы  52 952 - ҩык рҟынӡа инаӡоит.

Аҟәа. Хәажәкырамза 15, 2022 шықәса. Аԥсныпресс. Аԥсны Аҳәынҭқарра Алхратә Комиссиа Хада Гәдоуҭа араион алхратә округ  №18 ала Апарламент адепутат еиҭалхра амҩаԥгаара арыцхә шьақәнаргылеит.

Алхратә округ №18 ала Апарламент адепутат еиҭалхра мҩаԥгахоит лаҵарамза 14, 2022 шықәса рзы.

Аҟәа. Хәажәкырамза 15, 2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа Урыстәыла аекономикатә ҿиара аминистр ихаҭыԥуаҩ Дмитри Вольвач зхадараҿы дыҟаз урыстәылатәи аделегациа Аԥсныҟа раара аихшьалақәа инарымаданы аусуратә еилатәара мҩаԥигеит.

Аилатәара иалахәын Аҳәынҭқарра Ахада ихаҭыԥуаҩ Бадра Гәынба, Аҳәынҭқарра Ахада Иусбарҭа Анапхгаҩы Алхас Кәыҵниа, уи ихаҭыԥуаҩ Валери Папба, аԥыза-министр Александр Анқәаб, аԥыза-аминистр актәи ихаҭыԥуаҩ Беслан Џьопуа, аԥыза-аминистр ихаҭыԥуаҩ аекономика аминистр Кристина  Озган, аԥыза-министр ихаҭыԥуаҩ, афинансқәа рминистр Владимир Делба, аиҳабыра алахәылацәа, «Амшынеиқәафымцамчи"  шьаҭанкылатәи аргылара аусбарҭеи рнапхгара.

Аиҳабыра алахәылацәа Аҳәынҭқарра Ахада аилацәажәарақәа реихшьаала атәы, иара убас Урыстәылатәи Афедерациа аекономикатә ҿиара аминистрра аделегациеи дареи иаздырхиаз азыӡбақәа ртәы изеиҭарҳәеит.

Аҳәынҭқарра Ахада иазгәеиҭеит Урыстәылатәи Афедерациа имҩаԥнаго афинанстә цхыраара  ахархәараеи, Аинвестпрограмма анагӡареи инарымаданы зҵаарақәак.

Аилатәараҟны Урыстәылатәи Афедерациа аекономика аҿиара Аминистрра алархәны иазырхиаз азнеишьақәа ҳасаб рзуны Аинвестпрограмма ҿыц ашьақәыргылара иазааҭгылан.

Аҳәынҭқарра Ахада аиҳабыра алахәылацәа азхьарԥшны далацәажәеит аобиектқәа ирзоужьу афинансқәа ианаамҭоу рхархәара иамоу аҵакы.

Аҟәа. Хәажәкырамза 15, 2022 шықәса. Аԥсныпресс. Иахьа  Аԥсны иазгәарҭоит Аԥсны Аџьынџьтəылатə еибашьра аҭоурых аҿы итрагедиахаз, аха убри аангьы афырхаҵара ду зцу арыцхə – хәажәкырамзазтәи ажәылара 29-шықәса ахыҵра амш. 29 шықəса раԥхьа, 1993 шықәса, хәажәкырамза 15 рзы Гəымсҭатəи афронт аибашьцәа Аҟəа ақалақь ақырҭуа мпыҵахалаҩцəа рҟынтəи  ахақəиҭтəразы мҽхакы ҭбаала ажəылара мҩаԥыргеит.

Ареспублика Аԥсны атәылахьчара Аминистрра аибашьра аанкыларазы изныкымкәа аиҿцәажәарақәа рымҩаԥгаразы аҽазышәарақәа шыҟанаҵозгьы, урҭ хра злоу алҵшәа аиуӡомызт. Уимоу, Қырҭтәыла Анапхгара архәҭақәа Аԥсны атерриториа алгара мап ацәнакуан. Гагра араион ҩаԥхьа агара азы аҽазышәара анлыҵшәадаха ашьҭахь,  ақырҭцәа рырратә мчқәа зегьы аҳҭнықалақь ахь идәықәырҵеит. Аибашьыгатә техника хьанҭа, хаҭалатәи аилазара ахыԥхьаӡара излауаз ала еизырҳаны Гәымсҭатәи афронт ахь ииаргеит.

Иҟоу адыррақәа рыла, хәажәкырамза, 1993 шықәса рзы Аԥснытәи арбџьармчқәа  Аҟәа ахақәиҭтәразы зегьы раасҭа акыр зҵазкуаз, иудаҩыз, анаҩс “Марттәи ажәылара” ҳәа аҭоурых ианылаз  аоперациа амҩаԥгара рҽазыҟарҵон.  Уи иахаану ражәақәа рыла, усҟан  амш цәгьан, ақәа леиуан, акыр ихьҭан. Издыруада, уи ала аԥсабарагьы ԥхьаҟа иҟалараны иҟоу адыруазшәа агәала шамаз унарбозҭгьы. Аха ҳаибашьцәа аԥсытәбара шыҟалоз шеилыркаауазгьы, шьҭахьҟа хьаҵшьа рымаӡамызт, Рыԥсадгьыли рыуаажәлари хьчатәын. Аԥсуа еибашьцәа ротриадқәа Гәымсҭа аӡиас ҵаҟала амҩасра иахьаҵанакуа аӷа иҟынтәи иҭарцәны дара ирышьҭаланы иаауаз ҳархәҭақәа рзы амҩа аартра хықәкыс ирыман.

Хәажәкырамза 15, 1993 шықәса рзы аԥсуа архәҭақәа Гәымсҭа  аӡиас ирны Аԥсны аҳҭнықалақь азааигəара астратегиатə ҵакы змаз аҳаракырақəа рнапаҟны иааргеит, гəыԥқəак ақалақь агəы алаларагьы рылшеит.

Аибашьра зхызгаз аԥсуа еибашьцәа ишазгәарҭо ала, Аҟәа ахақәиҭтәразы имҩаԥгаз хәажәкырамзазтәи ажәылара зегьы раасҭа иуадаҩыз операциан. Амотохысратә архәҭақәа Гәымсҭа аӡиас ирны, аҳауантәии еиԥш амшынынтәии ацхыраара рыманы аӷа раԥхьатәи ихыхьчаратә цәҳәа иахысны, анаҩс Аҟәа ахақәиҭтәразы ажәылара иацырҵарц азы ахыдҵа рыман. Хаха-хымш аԥсуа еибашьцәа агәымшәареи афырхаҵареи аарԥшны ақырҭуа мпыҵахалыҩцәа иреибашьуан, ирылшоз ала ихәыз рҩызцәа Ачадара ақыҭантәи ралгара рҽазыршәон. Аха, рыцҳарас иҟалаз, хәажәкыра  15-16 ауха иалагаз ажәыларатә операциа ахықəкы азынамыгӡеит, ҳаибашьцəа иаарыкәшаны итәеит ҳаӷацәа. Ишьаарҵәыраз аидысларақәа рышьҭахь, хәажәкырамза 17,18 рзы ҳархәҭақәа ихьаҵыр акəхеит.

Ари ажəылараҿы иҭахеит 222-ҩык ҳаибашьцəа, шəҩыла ахəрақəа роуит,  иара убас 23-ҩык хабарда ибжьаӡит.

Аҭоурыхҭҵааҩцәа марттәи ажәылара азы ргәаанагара рҳәашт, ахәшьарагьы арҭашт, аха жәаҳәарада  уи ақырҭуа мпыҵахалыҩцәа риааиреи Аԥсны атерриториа аҟынтәи ралцареи рзы кыр зҵазкуа етапны иҟалеит. Ареспублика Аԥсны Арбџьамчқәа ркомандаҟаҵаҩ Хада Владислав Григори-иԥа Арӡынба ахачҳареи еицамкуа амчхареи аарԥшны Аԥсуа жәлар рахь ақырҭуа фашизм аҿагылара иацырҵарц азы ааԥхьара ҟаиҵеит. Хара имгакәа зегьы акыр иззыԥшыз Аиааирагьы ргеит аԥсуа жәлар ироуит иреиӷьу Аԥсны аҵеицәа ршьала икәабоу ахақәиҭреи ахьыԥшымреи.

Аҟәа. Хәажәкырамза 15, 2022 шықәса. Аԥсныпресс. Аԥсны Жәлар рышәҟәыҩҩы, Д.И.Гәлиа ихьӡ зху Аҳәынҭқарратә премиа алауреат, «Ахьӡ-Аԥша» аорден I аҩӡара  акавалер Алықьса Гогәуа иахьа иазгәеиҭоит 90 -тәи иира Амш.

Аԥсны аԥыза-министр Алеқсандр Анқәаб аиубилиар ихьӡала адныҳәаларатә шәҟәы ишьҭит. Уаҟа иазгәаҭоуп:

Ҳаҭыр зқәу Алықьса Ноча-иԥа,

Аԥсны жәлар рышәҟәыҩҩы, Д. И. Гәлиа ихьӡ зху Аҳәынҭқарратә премиа алауреат, «Ахьӡ-Аԥша» аорден I аҩаӡара занашьоу, иахьа ишәхыҵит 90 шықәса.

Шәара шәреиуоуп аԥсуа литература ҽаԥарак ԥхьаҟа изгаз. Шәажәабжьқәа, шәповестқәа, шәроманқәа рҿы инарҵауланы, исахьарку ажәала иаарԥшуп XX ашәышықәсқәа аԥсуаа иаҳзаанагаз аҿыцрақәа, урҭ шьаҭанкыла ишырыԥсахыз ҳхымҩаԥгашьа, ҳхәыцшьа, ҳдунеихәаԥшышьа. Аԥсуа мышкызны ахақәиҭра иманы, иԥсадгьыл дақәиҭны наџьнатә аахыс имаз агәыӷра шьагәыҭс ирымоуп шәҩымҭақәа зегьы.

Аҟәа. Хәажәкырамза 15, 2022 шықәса. Аԥсныпресс. Аҧснытәи аҳәынҭқарратә университет аректор, академик Алеко Гәарамиа Аҧсны жәлар рышәҟәыҩҩы, Д. И. Гәлиа ихьӡ зху Аҳәынҭқарратә премиа алауреат, "Ахьӡ-Аҧша" аорден I аҩаӡара занашьоу Алықьса Ноча-иҧа Гогәуа  ииубилеи идиныҳәалеит.

Адныҳәалараҿы, ахәҭакахьала, иазгәаҭоуп:

Аҟәа. Хәажәкырамза 15, 2022 шықәса. Аԥсныпресс. Аԥсны Аҳәынҭқарра акультура аминистр инапынҵақәа назыгӡо Динара Смырԥҳа «Ахьӡ-Аԥша» аорден I аҩаӡара занашьоу, Д. И. Гәлиа ихьӡ зху Аҳәынҭқарратә премиа алауреат, Аԥсны Жәлар рышәҟәыҩҩы Алықьса Гогәуа ииубилеи – 90 шықәса ихыҵра идылныҳәалеит.

Адныҳәалараҿы иаҳәоит:

«Ҳаҭыр зқәу Алықьса Ноча-иԥа!

 Гәык-ԥсыкала ишәыдаҳныҳәалоит шәиубилеи – 90 шықәса шәхыҵра!

Аҟәа. Хәажәкырамза 15, 2022 шықәса. Аԥсныпресс. Иахьа иира Амш азгәеиҭоит Аԥсны Ашәарҭадара Ахеилак Амаӡаныҟәгаҩ  Сергеи Шамба. Сергеи Мирон-иԥа Шамба Иира Амш идырныҳәалеит Урыстәылатәи Афедерациа Ашәарҭадара Ахеилак Амаӡаныҟәгаҩ Николаи Патрушеви Урыстәылатәи Афедерациа Ашәарҭадара Ахеилак Амаӡаныҟәгаҩ ихаҭыԥуаҩ Рашид Нургалиеви.

«Ҳаҭыр зқәу Сергеи Мирон-иԥа! Гәык-ԥсык ала ишәыдысныҳәалоит Шәира Амш. Гәыкала ишәзеиҕьасшьар сҭахуп агәамч, Аԥсны Аҳәынҭқарра ахьӡала имҩаԥыжәго шәусураҟны аихьӡарақәа. Агәабзиара, анасыԥ, ахирра рыдыскылоит ишәзааигәоу ауаа, шәҭынхацәа», - ҳәа изгәаҭоуп Николаи  Патрушев идныҳәалара аҿы. 

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me