21 Лаҵара 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Лаҵара 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

АЖӘАБЖЬҚӘА

Аҟәа. Жьҭаарамза 14, 2021 шықәса. Аԥсныпресс. Аԥсны агәабзиарахьчара аминистр Едуард Быҭәба Ареспубликатә хәышәтәырҭа аколлектив дрыдигалеит аҳақьым хада инапынҵақәа рынагӡаҩыс ҿыц иҟаҵоу Ерик Едуард-иԥа Ҳаҭхәа.

Аамҭала аҳақьым хада инапынҵақәа назыгӡоз Есма Маршьан лхатәгәаԥхарала иарбоу амаҵураҭыԥ аҟынтәи лхы дақәиҭтәуп.  Лара ҳазҭоу ашықәс мшаԥымза инаркны имаҵуратә зинмчы ахысра инамаданы аҳақьым хада  имаҵураҭыԥ аҟынтәи зхы иақәиҭтәыз Аполлон Гәыргәылиа ихаҭыԥан аус луан.

Агәабзиарахьчара Аминистрра ахада Есма Маршьан иналыгӡаз аусура азы иҭабуп ҳәа леиҳәеит.

Аҟәа. Жьҭаарамза 13, 2021 шықәса. Аԥсныпресс.  Имҩаԥысит Аслан Бжьаниеи Сергеи Шоигуи реиҿцәажәара

Аԥсны Аҳәынҭқарра Ахада Аслан Бжьаниа Москва иусуратә ныҟәарақәа раан имҩаԥысит Урыстәылатәи Афедерациа Атәылахьчара аминистр Сергеи Шоигу иареи реиҿцәажәара.

Аиԥылараан ирылацәажәеит атәылахьчареи ашәарҭадареи инарымаданы аԥсны-урыстәылатәи аусеицура иазку азҵаарақәа жәпакы. 

«Бзиала шәаабеит ҳәа шәасҳәоит, Аслан Гьаргь-иԥа! Ҳтәылақәа рырбџьар мчқәа ирыбжьоу аизыҟазаашьақәа зыда ԥсыхәа ыҟам адокументқәа рыла еиқәыршәоуп. Ҳара ҳзы аҵак ду амоуп Аԥсны Аҳәынҭқарра арбџьар мчқәа еибыҭаны, ихианы рыҟазаара. Аринахысгьы иаҭаху ахылаԥшра аҳҭалоит 7-тәи арратә база анапы иану аусқәа рынагӡара уи аҭышәынтәалареи ашәарҭадареи аиқәырхара зылшо акәны излаҟоу ала. Сара агәра ганы сыҟоуп арратә усхк аганахьала ҳтәылақәа русеицура азҵаарақәа иадымхалакәа, лыҵшәа аманы ишыӡбахало»,- ҳәа иҳәеит Сергеи Шоигу.

АСАПИОРЦӘА АКОММЕРЦИАТӘ БАНК «ГАРАНТ-БАНК» АҾЫ АРҬҞӘАЦГА РЫМԤШААӠЕИТ.

Аҟәа. Жьҭаарамза 13, 2021 шықәса. Аԥсныпресс. Асапиорцәа ҷыдала иазыҟаҵоу алақәа рыцны Акоммерциатә Банк «Гарант- Банк» аофис хада ахыбра агәаҭара мҩаԥыргеит. Агәаҭараан арҭҟәацга ҳәа акагьы рымԥшааӡеит.  

«Атәыла аҩныҵҟатәи аусқәа рминистрра акинологцәа аҳәынҭқарратә шәарҭадара Амаҵзура асапиорцәеи атәыла аҩныҵҟатәи аусқәа Рминистрра ахаҭарнакцәеи алархәны  «Гарант-Банк» аҟәшақәа зегьы ргәаҭара мҩаԥыргеит. Агәаҭараан арҭҟәацга ҳәа акагьы рымԥшааӡеит.   

АСАПИОРЦӘА «ГАРАНТ-БАНК» АХЫБРА АГӘАҬАРА МҨАԤЫРГОИТ.

Аҟәа. Жьҭаарамза 13, 2021 шықәса. Аԥсныпресс.  Асапиорцәа ҷыдала иазыҟаҵоу алақәа рыцны Акоммерциатә Банк «Гарантә Банк» аофис хада ахыбра агәаҭара мҩаԥыргоит. Ахыбра акәша-мыкәша узеимнеиуа иаркуп. Ахҭыс ахьыҟалаз аҭыԥ аҿы иҟоуп атәыла аҩныҵҟатәи аусқәа Рминистрра, иҷыдоу аҭагылазаашьақәа рзы Аминистрра, аҳәынҭқарратә шәарҭадара Амаҵзура аусзуҩцәа.

Аҟәа. Жьҭаарамза 13, 2021 шықәса. Аԥсныпресс.  Иахьа, жьҭаарамза 13,  13 сааҭи 00 минуҭи рзы аҩныҵҟатәи аусқәа Рминистрра ахь зхаҭара шьақәыргылам аӡәы аҭел дасит.  Аҭел иасуаз Акоммерциатә Банк «Гарант-Банк» ахыбра амина аҵоуп ҳәа адырра ҟаиҵеит. 

Аҟәа. Жьҭаарамза 13, 2021 шықәса. Аԥсныпресс. Аҳҭнықалақь ахада Беслан Ешба Аҟәа асоциалтә еиқәыршәара Русбарҭа аԥыхра азы Адҵа инапы аҵаиҩит, ҳәа адырра ҟанаҵоит Аҟәа ақалақь аофициалтә саит.

Адҵа инақәыршәаны, асоциалтә еиқәыршәара аусбарҭа аԥыхзароуп ԥхынҷкәынмза 31, 2021 шықәанӡа. Убри азы иаԥҵахоит аԥыхратә Комиссиа. Уи аилазаараҿы иҟалоит жәаҩык ақалақь Ахадара аусзуҩцәа.

Акомиссиа иаԥхықәроуп:

Аԥсны Аҳәынҭқарра азакәанԥҵара инақәыршәаны Аусбарҭа аԥыхразы аусмҩаԥгатәқәа реиҿкаара алыршара;  

Аусбарҭа аԥыхра мҩаԥысуанаҵы уи аусура анапхгараҭареи адгылареи реиҿкаара;

ГАГРА АҨНЫҴҞАТӘИ АУСҚӘА РУСБАРҬА АУСЗУҨЦӘА РГАНАХЬАЛА АУСЕИЛЫРГАРА ХАЦЫРКУП.

Аҟәа. Жьҭаарамза 13, 2021 шықәса. Аԥсныпресс. Гагра араион Апрокуратура Анри Атеиба аамҭалатәи аԥхьакырҭа аҿы аҽшьразы иҽазышәара аганахьала аамҭалатәи аԥхьакырҭа аиҳабы инапынҵақәа назыгӡои Гагра араион аҩныҵҟатәи аусқәа русбарҭа аԥшыхәратә хәҭа анапхгаҩи рганахьала аусеилыргара хацыркуп.

Апрокуратура Хада аофициалтә саит иҟанаҵо адыррақәа рыла, аусеилыргара хацыркуп Аԥсны Аусеилыргаратә Закәанеидкыла ахәҭаҷ 295,  ахәҭа 3 (агәәанымзаарала ауаҩы игәабзиара ӷәӷәала ааха аҭареи, мамзаргьы ауаҩы иԥсра зыхҟьаз аҭакԥхықәрадара) ала ацәгьоура аҟазшьақәа рыла аусеилыргара хацыркуп. Урҭ рхара шьақәзырӷәӷәо ҟалар, аҩныҵҟатәи аусқәа русбарҭа аусзуҩцәа хышықәса инаркны хәышықәсанӡа аҭакра, иара убас шықәсык инаркны бжьышықәсанӡа иалкаау аусурала амаҵураҭыԥқәа раанкыларазы ақәиҭымзаара рықәшәар ҟалоит.

Нанҳәамза 7, 2021 шықәса рзы Анри Аҭеиба Гагра араион аҩныҵҟатәи аусқәа русбарҭа ашьаусԥшааратә ҟәша аиҳабы иганахьала агәабзиареи аԥсҭазаареи ашәарҭара иҭазыргыло амч ахархәара аҿы дыгәҩароуп ҳәа Гагра араион апрокуратура ала даанкылан.

Аусеилыргаанӡатәи аусеилыргара аан нанҳәамза 9  рзы аӡбара-медицинатә

Аҟәа. Жьҭаарамза 13, 2021 шықәса. Аԥсныпресс. Арратә прокуратура аҳәынҭқарратә маӡа шьақәзыргыло адыррақәа рыларҵәара азы  Аԥсны Аҳәынҭқарра атәылахьчара Аминистрра аҳасабеилыргаҩы-аԥарахьчаҩы лганахьала аусеилыргара хацнаркит.

Аусеилыргара мҩаԥызго аусбарҭа аверсиа ала, атәылахьчара Аминистрра аҳасабеилыргаҩы-аԥараҵәахҩы, гәҭакыла, «Аҳәынҭқарратә маӡа азы» азакәани, егьырҭ анорма-зинтә шәҟәынҵақәеи ахылаԥшраҩныҵҟатәи адҵақәеи аинструкциақәеи реилагарала, имаӡоу, имаӡаӡоу адыррақәа злоу  аинформациа аиқәаршәареи аус адулареи ахьчареи рзы атәылахьчара Аминистрра имаӡоу адыррақәа рыҟәша аҿы ашәҟәы иҭагаламыз флеш–карта ҳәа изышьҭоу аелектронтә дыррақәа рныҟәгага лхы иалырхәон, уи лара анаҩс имаӡоуи имаӡаӡоуи адыррақәа  зныз атәылахьчара Аминистрра аметериал-техникатә усбарҭа амедицинатә пункт анапхгаҩы илҭеит.  

Амедицинатә пункт имаӡоу адыррақәа рҟынӡа анаӡара азы алшара амаӡам, урҭ рыхьчаразгьы аҭакқхықәра адӡам.

Аҟәа. Жьҭаарамза 12, 2021 шықәса. Аԥсныпресс.  Жьҭаарамза 11, 2021 шықәса рзы Иреиҳаӡоу Аӡбарҭа ахь апрокурор Хада иҟынтәи цәыббрамза 30 рзы Аҟәа ақалақь иҟалаз ахҭыс аан Апарламент адепутатцәа Гарри Кокаиеи Алмасхан Арӡынбеи рхымҩаԥгашьа аҿы ацәгьоура аҟазшьақәа амазаара рышьақәыргылара азы аусдгалара нашьҭын.  

Иреиҳаӡоу Аӡбарҭа аофициалтә саит иҟанаҵо адыррақәа рыла, апрокурор Хада иҟынтәи иааз адырранҵа инақәыршәаны,  Алмасхан Арӡынбеи Гарри Кокаиеи рхымҩаԥгашьа аҿы аҿы Аԥсны Ашьаустә Закәанеидкыла ахәҭаҷ 207 ахәҭа 1 (Амбжьахра, абџьар ахархәарала ауаажәларратә ҭышәынтәалара аилагара), иара убас ахәҭаҷ  321, ахәҭа 1 (Амчра ахаҭарнак ихьӡ аларҟәра (ишакум изныҟәара) инарықәыршәаны, ацәгьоура аҟазшьақәа аныԥшуеит.

Аҟәа. Жьҭаарамза 12, 2021шықәса. Аԥсныпресс.   Аԥсны Аҳәынҭқарра Ахада Аслан  Бжьаниа Москва аҳаиртә транспорт Афедералтә усбарҭа анапхгаҩы Алеқсандр Нерадько диԥылеит.

Аҳәынҭқарра Ахадеи Урыстәылатәи авиациа анапхгаҩи Аԥсны аҳаиртә еимадара аиҭарҿыхара азҵаарақәа жәпакы ирылацәажәеит.

Аиԥылараҟны аганқәа ишьақәдыргылеит апроект анагӡаразы анорматив-зинтә еиҿкаара,  апроект-харџьынҵатә документациа аус адулара,  аиҳабырабжьаратә еиқәшаҳаҭрақәа рбазатә лкаа  азԥхьагәазҭо асхемеи аԥҟареи.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me