21 Лаҵара 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Лаҵара 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

АЖӘАБЖЬҚӘА

Аҟәа. Хәажәкырамза 15, 2022 шықәса. Аԥсныпресс. Иҳаҩсыз уахыки-ҽнаки рыла акоронавирустә ҿкы чымазара азы агәаҭара иахысит 250 -ҩык. COVID-19 азы адиагноз 83 - ҩык рҿы  ишьақәыргылоуп, ҳәа адырра ҟанаҵоит ауааԥсыра акоронавирустә ҿкы чымазара рацәыхьчара азы Аоперативтә Штаб.

Гәдоуҭатәи араионтә хәышәтәырҭа Хада  аҿы ишьҭоуп  16 – ҩык апациентцәа, 6-ҩык ргәабзиара аҭагылазаашьа акыр иуадаҩуп, 10 -ҩык апациентцәа рҭагылазаашьа бжьаратәуп. Аҟәатәи аинфекциатә хәышәтәырҭа аҿы ишьҭоуп 25-ҩык апациентцәа, 12-ҩык ргәабзиара аҭагылазаашьа акыр иуадаҩуп, Очамчыратәи араионтә хәышәтәырҭа Хада аҿы – 8-ҩык, Гагратәи араионтә хәышәтәырҭа Хада аҿы – 9 - ҩык, аӡәы игәабзиара аҭагылазаашьа акыр иуадаҩуп, Ҭҟәарчалтәи араионтә хәышәтәырҭа Хада аҿы ишьҭоуп – 3   - ҩык апациентцәа.

Аҟәатәи аинфекциатә хәышәтәырҭа аҿы рыԥсҭазаара иалҵит 65; 74 шықәса зхыҵуаз ҩыџьа аҳәса.

Аҟәа. Хәажәкырамза 15, 2022 шықәса. Аԥсныпресс. Иҭыжьуп, Аԥсныҟагьы иаагоуп 2021 шықәсазы аԥснытәи аҵарауаа иаԥырҵаз аусумҭақәа знылаз ажурнал «Аԥсны анаукақәа Ракадемиа адыррарбага» №11 агуманитартәии анукатәии асериақәа.

Ажурнал асериа «Агуманитартә наукақәа» аҿы аԥхьаҩ изыԥшуп алингвистика, алитературадырра, афольклористика, аҭоурых, апедагогика, аетнологиа, аекономика иазку астатиақәа, даараӡа аинтерес зҵоу архивтә материалқәа, арецензиақәа, хәызмаӡам анҭыҵтәи анҵамҭақәа рышьаҭала иаԥҵоу  апубликациақәа, уҳәа убас ирацәаны. 

«Аԥсабарадырратә наукақәа» рсериа иалагалоуп аматематика, афизика, амедицина, аботаника, агрономиа, аекологиа, аенергетика, уҳәа рзы аматериалқәа.  Икьыԥхьу аматериалқәа рӷьырак хадара злоу ахархәаратә ҵакы рымоуп.

«Аԥсны анаукақәа Ракадемиа адыррарбага» аматериалқәа зегьы рбара аԥхьаҩ илшоит Аԥсны анаукақәа Ракадемиа аофициалтә саит аҿы, араҟа аамҭа кьаҿ иалагӡаны ажурналқәа релектронтә версиа рыдгалахоит.

Аҟәа. Хәажәкырамза 15, 2022 шықәса. Аԥсныпресс.  Аԥсны Аҳәынҭқарра Ахада Аслан Бжьаниа Ашәҟәыҩҩцәа реидгыла алахәҩыла, Д.И.Гәлиа ихьӡ зху Аҳәынҭқарратә премиа алауреат, «Ахьӡ-аԥша» аорден I аҩаӡара занашьоу Аԥсны Жәлар рышәҟәыҩҩы А.Н.Гогәуа ииубилеи идиныҳәалеит.

 

« Ҳаҭыр зқәу Алықьса Ноча-иԥа,

Гәык-ԥсык ала ишәыдысныҳәалоит шәиубилеитә рыцхә. Шәара аԥсуа литературеи аԥсуа бызшәеи рыҿиараҟны злагаламҭа ахә ашьара уадаҩу, еицырдыруа милаҭтә шәҟәыҩҩы дуӡӡоуп.

Аԥсуа жәлар рзы доуҳатә мазараны иҟоу шәара шәлитературатә рҿиамҭақәа философиатә ҵакыла еибыҭоуп, иҵаулоу, аԥсҭазааратә ҵакы змоу апроблемақәа цәырыргоит.

Ҳаҭыр зқәу Алықьса Ноча-иԥа,

Шәара шәыԥсҭазааратәи шәырҿиаратәи мҩа, ҳажәлар рзы еиҳа иуадаҩыз аамҭақәа раан иаашәырԥшуаз атәылауаҩратә позициа, уи ацәхьамҵра иабзоураны ахаангьы ҳажәлар рыбзиабареи раҳаҭырқәҵареи шәаԥсан, хьӡи-ԥшеи шәыгмызт ҳтәыла аҩныҵҟеиԥш уи анҭыҵгьы. 

Аҟәа. Хәажәкырамза 14, 2022 шықәса. Аԥсныпресс. Аԥсны агәабзиарахьчара аминистр Едуард Быҭәба агәыҳалалратә уаажәлрратә еиҿкаара «Кьараз» анагӡаратә директор Кадыр Аргәыни иарбоу аиҿкаара амедицинатә программақәа ркуратор Алиса Туибеи идикылеит.

Аиԥылара атема  - иарбоу аиҿкаареи атәыла агәбзиарахьчара Аминистрреи ареспублика амедицинатә усбарҭақәеи аус рыцура аиҿкаара.

Кадыр Аргәын аминистр адырра ииҭеит напхгара зиҭо аиҿкаара  300 инареиҳаны социалла ихьчам ахәыҷырацәа змоу аҭаацәара ацхыраара шрырҭо. Ари ауаажәларратә еиҿкаара инанагӡо апрограммақәа иреиуоуп апрограмма «Зҭагылазаашьа акыр иуадаҩу рыхәышәтәра, рреабилитациа,  хәшәыла реиқәыршәара, ргәабзиара аҭагылазаашьа аҭҵаарагьы уахь иналаҵаны, уҳәа ацхыраара рыҭара».

Аиԥылара иалахәыз афонд ахылаԥшра аҵаҟа иҟоу, ӷәӷәала ичмазаҩу ахәыҷқәа ргәабзиара аҭагылазаашьа аҭҵаара азы иазԥхьагәаҭоу еиԥш апрофилактикатә ҭҵаарақәеи (рентгенографиа, УЗИ, уҳәа) алабораториатә диагностикеи атәыла амедицинатә усбарҭақәа рҿы хәыда-ԥсада рымҩаԥгара алыршара азҵаара иалацәажәеит.  «Ҳхәышәтәырҭақәа уаанӡагьы ас еиԥш ацхыраара ҟарҵон, уи жәаҳәарада иацҵахоит», -ҳәа инаҵшьны иазгәеиҭеит Едуард Быҭәба.

Аҟәа. Хәажәкырамза 14, 2022 шықәса. Аԥсныпресс. Аԥсны агәабзиарахьчара аминистр Едуард Быҭәба агәыҳалалратә уаажәлрратә еиҿкаара «Кьараз» анагӡаратә директор Кадыр Аргәыни иарбоу аиҿкаара амедицинатә программақәа ркуратор Алиса Туибеи идикылеит.

Аиԥылара атема  - иарбоу аиҿкаареи атәыла агәбзиарахьчара Аминистрреи ареспублика амедицинатә усбарҭақәеи аус рыцура аиҿкаара.

Кадыр Аргәын аминистр адырра ииҭеит напхгара зиҭо аиҿкаара  300 инареиҳаны социалла ихьчам ахәыҷырацәа змоу аҭаацәара ацхыраара шрырҭо. Ари ауаажәларратә еиҿкаара инанагӡо апрограммақәа иреиуоуп апрограмма «Зҭагылазаашьа акыр иуадаҩу рыхәышәтәра, рреабилитациа,  хәшәыла реиқәыршәара, ргәабзиара аҭагылазаашьа аҭҵаарагьы уахь иналаҵаны, уҳәа ацхыраара рыҭара».

Аиԥылара иалахәыз афонд ахылаԥшра аҵаҟа иҟоу, ӷәӷәала ичмазаҩу ахәыҷқәа ргәабзиара аҭагылазаашьа аҭҵаара азы иазԥхьагәаҭоу еиԥш апрофилактикатә ҭҵаарақәеи (рентгенографиа, УЗИ, уҳәа) алабораториатә диагностикеи атәыла амедицинатә усбарҭақәа рҿы хәыда-ԥсада рымҩаԥгара алыршара азҵаара иалацәажәеит.  «Ҳхәышәтәырҭақәа уаанӡагьы ас еиԥш ацхыраара ҟарҵон, уи жәаҳәарада иацҵахоит», -ҳәа инаҵшьны иазгәеиҭеит Едуард Быҭәба.

Аҟәа. Хәажәкырамза 14, 2022 шықәса. Аԥсныпресс. Хәажәкырамза 15, асааҭ 11.00  инаркны 12.00 аҟынӡа астанциеиҵа Баслаҭ атрансформатор аҿы ахьшьтәы ацҭәалара азы иаҿыххоит.  

Аҟәа. Хәажәкырамза 14, 2022 шықәса. Аԥсныпресс. Џьвартәи аӡеизакырҭа аҿы аӡы аҩаӡара 415 м. аҟынӡа алаҟәра инамаданы, Аԥсны Мрагыларатәи араионқәа рҿы хәажәкырамза 7 рзы иаԥыхыз афымцалашарала аиқәаршәара аганахьала ҽынлатәи аԥкрақәа ҩаԥхьа иалагалахоит.  

Аҟәа. Хәажәкырамза 14, 2022 шықәса. Аԥсныпресс.  Аԥсны Аҳәынҭқарра Ахада Аслан Бжьаниа Донецк ақалақь аҿы аҭынч уааԥсыра рҭахара инамаданы ДЖәР Ахада Денис Пушилин дидышшылеит.

«Хаҭала сареи Аԥсны жәлар зегьы рыхьӡалеи Украина Арбџьармчқәа рыла имҩаԥгаз аракетатә жәылара иахҟьаны Донецк ақалақь аҿы аҭынч уааԥсыра рҭахара инамаданы гәасра дула сшәыдышшылоит. Ари ихлымӡааху агрессиатә акт хьаа ӷәӷәаны згәаҵанӡа имнеиз аӡә дыҟоуп ҳәа сыҟам.

Аҟәа. Хәажәкырамза 14, 2022 шықәса. Аԥсныпресс.  Аԥсны атуризм Аминистрра Аԥсныҟа иԥаршеиу амҩақәҵагақәа рыдгалара мҩаԥызго амцҳәаратә саитқәа раарԥшразы амониторинг мҩаԥнагеит. Иарбоу аусмҩаԥгатә иабзоураны иаарԥшхеит мцҳәарала ауаа иԥаршеиу амҩақәҵагақәа рыдгаларала аус зуаз асаитқәа ҩба: 

https://reprua.org/

https://holodnayarechka.ru/

Аҟәа. Хәажәкырамза 14, 2022 шықәса. Аԥсныпресс. Урыстәылатәи Афедерациа адәныҟатәи аусқәа Рминистрра иаҵанакуа Жәларбжьаратәи Аизыҟазаашьақәа рзы Москватәи Аҳәынҭқарратә Институт (Ауниверситет) аҟны еиҿкаау Ихьыԥшым Аҳәынҭқаррақәа Реиҩызара Аклуб Акоординатор Едгар Гәазаа Аԥсны Аҳәынҭқарра адәныҟатәи аусқәа рминистр Инал Арӡынба ихаҭыԥуаҩыс дҟаҵоуп.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me