21 Лаҵара 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Лаҵара 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

АЖӘАБЖЬҚӘА

Аҟәа. Хәажәкырамза 14, 2022 шықәса. Аԥсныпресс.  Аԥсны Аҳәынҭқарра аӡбаратә еилазаара ҿыц шьақәыргылоуп.  

Аԥсны Иреиҳаӡоу Аӡбарҭа аофициалтә саит иҟанаҵо адыррақәа рыла, хәажәкырамза 11, 2022 шықәса рзы Аԥсны Аҳәынҭқарра аӡбаҩцәа Реизара мҩаԥысит.  

«Аӡбаратә мчра азы» Аԥсны Аҳәынҭқарра Аконституциатә закәан ахәҭаҷ 147 инақәыршәаны, 2019 шықәса инаркны аус зуаз аӡбаҩцәа Рхеилак азинмчы иазыԥҵәоу аҽҳәара ахыркәшара инамаданы, аӡбаҩцәа Реизара аӡбамҭа ала, Ахеилак аилазаара ҿыц шьақәыргылоуп.

Аԥсны Аҳәынҭқарра аӡбаҩцәа Рхеилак аилазаара ҿыц иалалеит:

Аконституциатә ӡбарҭа аҟынтәи – Рауль Пантиа;

Азеиԥш иурисдикциа аӡбарҭақәа рҟынтәи – Иреиҳаӡоу аӡбарҭа аӡбаҩцәа Сафарбеи Миканбеи Лииа Адлеибеи, Гәылрыԥшь араион аӡбарҭа аӡбаҩ Игорь Агәмаа, Гәдоуҭа араион аӡбарҭа аӡбаҩ Мадина Лазарева, Гагра араионтә ӡбарҭа аӡбаҩ Асида Аргуни Аԥсны Аҳәынҭқарра Арратә ӡбарҭа аӡбаҩ Шьаруан Смыри;

Абжьаҟазаратә ӡбарҭа аҟынтәи –  аӡбаҩцәа Зураб Агәмааи Омиани Логәуеи.

Аӡбаҩцәа Рхеилак аӡбамҭа ала Ахеилак ахантәаҩыс далхуп Абжьаҟазаратә ӡбарҭа аӡбаҩ Омиани Логәуа,  уи ихаҭыԥуаҩыс – Иреиҳаӡоу Аӡбарҭа аӡбаҩ Лииа Адлеиба.

Аԥсны Аҳәынҭқарра аӡбаҩцәа Рхеилак аилазаара имаӡоу абжьыҭара ала хы-шықәса аҽҳәара аманы иалххоит.

Аҟәа. Хәажәкырамза 13, 2022 шықәса. Аԥсныпресс. Аԥсны Алхратә Комиссиа Хада апресс-центр аҿы жәларбжьаратәи анаԥшыҩцәа хәажәкырамзазы Аԥсны имҩаԥысыз Жәлар Реизара-Апарламент ахь алхрақәа ахәшьара арҭеит.

Ихьыԥшым Аҳәынҭқаррақәа Реиҩызареи аидгьылуааи русқәа рзы Аҳәынҭқарратә Дума акомитет ахада ихаҭыԥуаҩ Константин Затулин Аԥсны жәлар алхрақәа актәи атур ахыркәшара рыдиныҳәалеит.  

«Араҟа иахьа иҟоуп Аҳәынҭқарратә Дума афракциақәа зегьы рхаҭарнакцәа. Ҳара ҳделегациа иацтәи амш зегьы иалагӡаны алхратә ҭыԥқәа ирҭаауан. Алхрақәа реиҿкаареи рымҩаԥгареи рганахьала изеиԥшразаалак акритикатә згәаҭарақәа ҳамаӡам. Ҳара Аҟәа ақалақь, Гәылрыԥшь араион, Очамчыра араион, Афон Ҿыц, уҳәа иааизакны  18 рҟынӡа алхратә округқәа ҳарҭааит. Ҳколлегацәа егьырҭ араионқәагьы ирҭааит. Алхратә ҭыԥқәа зегьы рҿы аҭагылазаашьа маншәалан, иҭынчын. Акандидатцәагьы анаԥшыҩцәа ирыҿцәажәо убасҵәҟьа  изеиԥшразаалак агәала ҳәа акгьы рымаӡам ҳәа иазгәарҭон», - ҳәа иҳәеит Константин Затулин.

Аҟәа. Хәажәкырамза 13, 2022 шықәса. Аԥсныпресс. Аԥсны Алхратә Комиссиа Хада иҟанаҵо адыррақәа рыла, хәажәкырамза 12 рзы имҩаԥысыз Жәлар Реизара-Апарламент адепутатцәа ралхрақәа зхы алазырхәыз алхыҩцәа рхыԥхьаӡара 51,2 % рҟынӡа инаӡоит. .

Алхрақәа мҩаԥысит ҳәа иԥхьаӡоуп асиа хада иану алхыҩцәа рзеиԥш хыԥхьаӡара аҟынтәи  25% еиҵамкәа  рхы аладырхәызар.

Алхратә округқәа рҿы инеиз алхыҩцәа рхыԥхьаӡара:

Алхратә округ №1 (Аҳабла Ҿыц) - 2121 - ҩык- 40,52 %.

Алхратә округ №2 (Аҳабла Ҿыц) – 1510-ҩык - 28,3 %.

Алхратә округ №3 (Аихамҩа Аҳабла) – 1853-ҩык - 36,69 %.

Алхратә округ №4 (Аҩадатәи) – 2005-ҩык  - 52,09 %.

Алхратә округ №5 (Синоптәи) – 1902 - ҩык  - 47,5 %.

Алхратә округ №6 (Ихадоу) – 2697 - ҩык - 48,6 %.

Алхратә округ №7 (Абиблиотека) – 2651-ҩык - 48,9 %.

Алхратә округ №8 (Алашарбага Аҳабла) – 2008-ҩык - 49,2 %.

Алхратә округ №9 (Мрагыларатәи) – 2181-ҩык -  53,1 %.

Алхратә округ №10 (Пицундатәи) – 1329 -ҩык - 30,4 %.

Алхратә округ №11 (Бзыԥтәи) – 2099 - ҩык - 39,7 %.

Алхратә округ №12 (Гагратәи) – 2444 -ҩык – 53,8 %.

Алхратә округ №13 (Гагра ақалақьтәи) – 3054 -ҩык – 43,7 %.

Алхратә округ №14 (Цандрыԥшьтәи) – 1882 - ҩык - 34,5 %.

Алхратә округ №15 (Оҭҳаратәи) – 2058-ҩык - 69,3 %.

Алхратә округ №16 (Дәрыԥшьтәи) – 1949-ҩык - 48 %.

Аҟәа. Хәажәкырамза 13, 2022 шықәса. Аԥсныпресс. Алхратә округ №18 (Гәдоуҭа ақалақьтәи) аҿы ҿыц алхрақәа мҩаԥгахоит. Иахьа, хәажәкырамза 13 рзы Аԥсны Алхратә Комиссиа Хада апресс-центр аҿы абри азы адырра ҟаиҵеит АКХ ахантәаҩы Дмитри Маршьан.

Алхратә округ №18 аҿы иқәгылан ҩыџьа акандидатцәа - Леонид Лакербаиеи Беслан Ҭаркьыли.  Акандидатцәа рҟынтәи аӡәгьы иахәҭаз абжьқәа рхыԥхьаӡара имоуӡеит.

АКХ адыррақәа рыла, иарбоу алхратә округ аҿы зынӡа рыбжьы арҭеит 1813 - ҩык, уи алхыҩцәа рзеиԥш хыԥхьаӡара аҟынтәи 49,1 % рҟынӡа инаӡоит.  Леонид Лакербаиа рыбжьы ирҭеит 906 – ҩык алхыҩцәа. Уи алхрақәа рҿы аиааира агаразы бжьык изымхаӡеит. Беслан Ҭаркьыл рыбжьы ирҭеит  825 - ҩык.  82 биуллетень ԥхасҭартәит.  

Жәлар Реизара-Апарламент адепутатцәа ралхрақәа рзы Азакәан ахәҭаҷ 37 инақәыршәаны, алхратә округ аҿы иқәгылаз адепутатцәа рҟынтәи аӡәгьы далрымхызар, мамзаргьы иарбоу алхратә округ аҿы алхрақәа зымҩаԥысмсӡеит ҳәа ишьақәыргылахазар, мамзаргьы Апарламент адепутат ҽҳәараанӡа изинмчы аанкылараан, Алхратә Комиссиа Хада ҩымчыбжь иахымгакәа  ҿыц алхрақәа рымҩаԥгаразы арыцхә шьақәнарӷәӷәоит.

Ҿыц алхрақәа мҩаԥгахоит ҩымз иахымгакәа.

Аҟәа. Хәажәкырамза 13, 2022 шықәса. Аԥсныпресс.  17 алхратә округқәа   рҿы аиҭалхрақәа мҩаԥгахоит. Иахьа Алхратә Комиссиа Хада апресс-центр аҿы алхрақәа реихшьаалақәа рзы заанаҵтәи адыррақәа ҟаҵо абри азы адырра ҟаиҵеит АКХ ахантәаҩы Дмитри Маршьан. Алхратә округ ала ҩыџьа иреиҳаны акандидатцәа ықәгылазар, убри аан урҭ рахьынтә аӡәгьы далрымхызар, усҟан ҩымчыбжь рашьҭахь зегьы реиҳа абжьқәа зауз ҩыџьа адепутатрахь акандидатцәа рыла аиҭалхрақәа мҩаԥгахоит.

Аиҭалхрақәа мҩаԥгахоит: 

Алхратә округ №1 (Аҳабла Ҿыц) Гыцба Инар Альберт-иԥа. Кәыҵниа Гәында Сергеи-иԥҳа.

Алхратә округ №2 (Аҳабла Ҿыц) Герхьелиа Асҭамыр Баҭал-иԥа. Ҳалбад Дмитри Гарри-иԥа. 

Алхратә округ №3 (Аихамҩа Аҳабла) Думаа Хына Владимир-иԥа. Салаҟаиа Нарсоу Беслан-иԥа.

Алхратә округ №4 (Аҩадатәи) Аиба Баҭал Едуард-иԥа. Рштуни Ерик Сагаҭел-иԥа.

Алхратә округ №6 (Ихадоу) Лолуа Рауль Валери-иԥа. Маршьан Дмитри Александр-иԥа.

Алхратә округ №7 (Абиблиотека) Аиба Рашида Азареҭ-иԥа. Какалиа Амиран Гьаргь-иԥа.

Алхратә округ №8 (Алашарбага Аҳабла) Губаз Леон Реваз-иԥа. Нарманиа Наур Геннади-иԥа.

Алхратә округ №13 (Гагра ақалақьтәи) Барцыц Алхас Валикәа-иԥа. Бениа Реваз Шьалуа-иԥа.

Алхратә округ №15 (Оҭҳаратәи) Барцыц Алмасхан Едуард-иԥа. Ԥлиа Бадрик Игор-иԥа.

Алхратә округ №20 (Аацытәи) Гулариа Алиса Заур-иԥҳа. Мархолиа Русҭам Гарри-иԥа.

Алхратә округ №21 (Афонҿыцтәи) Ԥачлиа Ахра Гьаргь-иԥа. Смыр Натали Виктор-иԥҳа.

Алхратә округ №22 (Ешыратәи) Аҩӡба Фазлыбеи Лизбер-иԥа. Арӡынба Алмасхан Зураб-иԥа.

Аҟәа. Хәажәкырамза 13, 2022 шықәса. Аԥсныпресс. Хәажәкырамза 12 рзы имҩаԥысыз алхрақәа реихшьаалақәа рыла, Аԥсны Жәлар Реизара-Апарламент адепутатцәас иалхуп  17-ҩык акандидатцәа. Иахьа Алхратә Комиссиа Хада апресс-центр аҿы алхрақәа реихшьаалақәа рзы заанаҵтәи адыррақәа ҟаҵо абри азы адырра ҟаиҵеит АКХ ахантәаҩы Дмитри Маршьан.

Иалхуп ҳәа иԥхьаӡоуп алхрақәа рҿы алхыҩцәа реиҳараҩык рыбжьқәа зауз акандидатцәа. Жәлар Реизара-Апарламент адепутатцәас иалхуп:

Алхратә округ №5 (Синоптәи) Ашәба Лаша Ныгәзар-иԥа - 98,42%.

Алхратә округ №9 (Мрагыларатәи) Кәарҷиа Кан Валери-иԥа - 53,74%.

Алхратә округ №10 (Пицундатәи) Хәытаба Дауҭ Витали-иԥа - 98,27%.

Алхратә округ №11 (Бзыԥтәи) Беииа Ҭемыр Абесалом-иԥа - 77,56%.

Алхратә округ №12 (Гагратәи) Аршба Асҭамыр Борис-иԥа - 51,15%.

Алхратә округ №14 (Цандрыԥшьтәи) Трапизониан Галуст Парнак-иԥа - 96,65%.

Аҟәа. Хәажәкырамза 13, 2022 шықәса. Аԥсныпресс.    Иахьа Аԥсны Алхратә Комиссиа Хада апресс-центр аҿы  Жәлар Реизара-Апарламент ахь алхрақәа реихшьаалақәа рзы заанаҵтәи адыррақәа рыҟаҵараан атехникатә гха ҟалеит.

Аҟәа. Хәажәкырамза 13, 2022 шықәса. Аԥсныпресс. Иҳаҩсыз уахыки-ҽнаки рыла акоронавирустә ҿкы чымазара азы агәаҭара иахысит 70 -ҩык. COVID-19 азы адиагноз 47 -ҩык рҿы  ишьақәыргылоуп, ҳәа адырра ҟанаҵоит ауааԥсыра акоронавирустә ҿкы чымазара рацәыхьчара азы Аоперативтә Штаб.

Гәдоуҭатәи араионтә хәышәтәырҭа Хада  аҿы ишьҭоуп  17 – ҩык апациентцәа, 3-ҩык ргәабзиара аҭагылазаашьа акыр иуадаҩуп, 14 -ҩык апациентцәа рҭагылазаашьа бжьаратәуп. Аҟәатәи аинфекциатә хәышәтәырҭа аҿы ишьҭоуп 26-ҩык апациентцәа, 12-ҩык ргәабзиара аҭагылазаашьа акыр иуадаҩуп, Очамчыратәи араионтә хәышәтәырҭа Хада аҿы – 4-ҩык, Гагратәи араионтә хәышәтәырҭа Хада аҿы – 10 - ҩык, 2 -ҩык ргәабзиара аҭагылазаашьа акыр иуадаҩуп, Ҭҟәарчалтәи араионтә хәышәтәырҭа Хада аҿы ишьҭоуп – 4   - ҩык апациентцәа.

Гәдоуҭатәи араионтә хәышәтәырҭа Хада аҟны лыԥсҭазаара иалҵит 74, 86 шықәса зхыҵуаз ҩыџьа ахацәа.

Аҟәа. Хәажәкырамза 12, 2022 шықәса. Аԥсныпресс.   «Асааҭ 20:00 рзы Асааҭ 20:00 рзы ихыркәшахеит Аԥсны Жәлар Реизара-Апарламент ахь алхрақәа.  35 алхратә округқәа рҿы (152 алхратә ҭыԥқәа) зыбжьы азҭаз алхыҩцәа рыбжьқәа рыԥхьаӡара иалагахьеит». Иахьа Аԥсны Алхратә Комиссиа апресс-центр аҿы абри азы адырра ҟаиҵеит Аԥсны Алхратә Комиссиа Хада ахантәаҩы Дмитри Маршьан.

Дмитри Маршьан иажәақәа рыла, АКХ ахь ашшыбӷьыцқәа ҳәа акгьы алагалаӡамызт.

35 алхратә округқәа зегьы рҿы алхыҩцәа раара еиҵаӡоу аҩаӡара иахысит. Алхрақәа мҩаԥысит ҳәа иԥхьаӡоуп асиа хада иану алхыҩцәа рзеиԥш хыԥхьаӡара аҟынтәи  25% еиҵамкәа  рхы аладырхәызар.

Иалхуп ҳәа иԥхьаӡахоит алхрақәа рҿы зхы алазырхәыз ауаа реиҳараҩык рыбжьқәа зауз  адепутатрахь акандидатцәа.

Аҟәа. Хәажәкырамза 12, 2022 шықәса. Аԥсныпресс.   «Асааҭ 20:00 рзы Асааҭ 20:00 рзы ихыркәшахеит Аԥсны Жәлар Реизара-Апарламент ахь алхрақәа.  35 алхратә округқәа рҿы (152 алхратә ҭыԥқәа) зыбжьы азҭаз алхыҩцәа рыбжьқәа рыԥхьаӡара иалагахьеит». Иахьа Аԥсны Алхратә Комиссиа апресс-центр аҿы абри азы адырра ҟаиҵеит Аԥсны Алхратә Комиссиа Хада ахантәаҩы Дмитри Маршьан.

Дмитри Маршьан иажәақәа рыла, АКХ ахь ашшыбӷьыцқәа ҳәа акгьы алагалаӡамызт.

35 алхратә округқәа зегьы рҿы алхыҩцәа раара еиҵаӡоу аҩаӡара иахысит. Алхрақәа мҩаԥысит ҳәа иԥхьаӡоуп асиа хада иану алхыҩцәа рзеиԥш хыԥхьаӡара аҟынтәи  25% еиҵамкәа  рхы аладырхәызар.

Иалхуп ҳәа иԥхьаӡахоит алхрақәа рҿы зхы алазырхәыз ауаа реиҳараҩык рыбжьқәа зауз  адепутатрахь акандидатцәа.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me