21 Лаҵара 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Лаҵара 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

АЖӘАБЖЬҚӘА

Аҟәа. Лаҵарамза 12. Аԥсныпресс. Абаҩхатәра ҷыда злаз еицырдыруа апоет, апрозаик, аҵарауаҩ-лингвист, афольклорист, ауаажәларратәи аҳәынҭқарратәи усзуҩы, афилологиатә ҭҵаарадыррақәа ркандидат (1945), Аҧсны аҭҵаарадыррақәа Ракадемиа академик (1997), Аҧсны жәлар рпоет (1967), Ҟабарда-Балкартәылеи (1990) Адыгатәылеи жәлар рышәҟәыҩҩы, Асоциалисттә Џьа Афырхаҵа (1988) Баграт Уасил-иҧа Шьынқәба диижьҭеи 105 шықәса ҵит.

Б. Шьынқәба диит (12.05.1917)  иахьатәи Очамчыра араион Ҷлоу ақыҭан (иԥсҭазаара далҵит 25.02.2004ш.).  Ианашьоуп Ленин иорден (1966), Алитература азы – Д. И. Гәлиа ихьӡ зху Аҳәынҭқарратә премиа (1967, ароман «Ахра ашәа» азы), Ш. Русҭавели ихьӡ зху Қырҭтәылатәи ССР Аҳәынҭқарратә премиа, «Ахьӡ-Аҧша» аорден актәи аҩаӡара. СССР-и Аҧсни рышәҟәыҩҩцәа Реидгылақәеи Урыстәыла ашәҟәыҩҩцәа Реидгылеи (1999) дрылан.

Аҟәа. Лаҵарамза 9,  2022 шықәса. Аԥсныпресс.   Аԥсны Аҳәынҭқарра Ахада Аслан Бжьаниа Аџьынџьтәылатә еибашьра Ду аҟны Аиааира 77 шықәса ахыҵра амш азы Аԥсны жәлар рахь адныҳәалара ҟаиҵеит.

 «Ҳаҭыр зқәу  сыуаажәлар!

Ҳаҭыр зқәу Аџьынџьтәылатә еибашьра Ду аветеранцәа!

Ишәыдысныҳәалоит Аџьынџьтәылатә еибашьра Ду аҟны Аиааира 77 шықәса ахыҵра амш!

Иага аамҭа царгьы, Аиааира Ду аҵакы еицакра ақәым, иаарԥшыз афырхаҵара - аамҭа иазырҩашьом, ԥсра-ӡра ақәым. Ҳара есқьынгьы ҳазыгәдуны иаҳгәалаҳаршәоит ҳауаажәлар аӷа хәымга иҭархараҟны ирылшаз. Ҳџьынџьуаа рыхьӡқәа хьтәы нбанла асовет жәлар анацизм иаҿагыланы рықәԥараҟны иаадырԥшыз рфырхаҵаратә шықәсҩыра иануп. Иахьа ҳара зегьы ҳзы гәырӷьара мшуп, аха иахьа иара убас иаҳгәалаҳаршәоит Аиааира амш ҳзааигәатәуа, уи абара иахьымӡаз, аибашьра хлымӡаах иалаӡыз.

Аҟәа. Лаҵарамза 9, 2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа Урыстәылатәи Афедерациа Ахада В. В. Путин Аиааира амш идиныҳәалеит:

«Ҳаҭыр зқәу Владимир Владимир-иҧа!

Аԥсны жәлар зегьы рыхьӡала, хаҭала  сара сыхьӡала ҳаҭырла ҳшышәзыҟоу азгәаҭо, гәык-ҧсык ала ишәыдысныҳәалоит Аџьынџьтәылатә еибашьра Ду аҟны Аиааира 77 шықәса ахыҵра амш.

Аџьынџьтәылатә еибашьра Ду еилгеижьҭеи иага аамҭа царгьы, ҳара ҳажәларқәа ҳаҭырла иргәаладыршәоит Аԥсадгьыл ахьчареи ахьыԥшымреи иазықәԥоз, анацизм иаиааиз еицакра зқәым ҳаибашьцәа  рфырхаҵара.

Аҟәа. Лаҵарамза 9, 2022 шықәса. Аԥсныпресс. Урыстәылатәи Афедерациа Ахада В. В. Путин Аԥсны Аҳәынҭқарра Ахада Аслан Бжьаниа Аиааира амш идиныҳәалеит.

«Ҳаҭыр зқәу Аслан Гьаргь-иҧа!

Гәык-ҧсык ала ишәыдысныҳәалоит Шәаргьы Аҧсны иқәынхо ажәлар зегьи Аџьынџьтәылатә еибашьра ду аҟны Аиааира амш.

Хьӡи-ԥшеи змоу ари аныҳәа азгәаҭо, аибашьцәа гәымшәқәа, зыҧсҭазаара иамеигӡакәа, анацизм иаҿагылаз ҳабацәеи ҳабдуцәеи ҳаҭырла иаҳгәалаҳаршәоит.

Аҟәа. Мшаԥымза 30, 2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа Урыстәыла Аҳәаахьчаратә усбарҭа Аиҳабы Аинрал-маиор  Андреи Иури-иԥа Кудимов Аԥсны Аҳәынҭқарраҟны иҟоу Урыстәыла Ашәарҭадара Афедералтә Маҵзура Аҳәаахьчаратә усбарҭа аԥҵара амш идиныҳәалеит.

 

«Ҳаҭыр зқәу Андреи Иури-иԥа!

Аԥсны Аҳәынҭқарраҟны иҟоу Урыстәыла Ашәарҭадара Афедералтә Маҵзура Аҳәаахьчаратә усбарҭа хаҭалатәи аилазаарагьы Шәаргьы ишәыдысныҳәалоит  Аԥсны Аҳәынҭқарраҟны иҟоу Урыстәыла Ашәарҭадара Афедералтә Маҵзура Аҳәаахьчаратә усбарҭа аԥҵара амш.

Аҟәа. Мшаԥымза 29, 2022 шықәса. Аԥсныпресс. Аԥсны ажурналистцәа Реидгыла арҿиаратә еидгылара алахәыла, агазеҭ «Республика Абхазия» аредактор хада инапынҵақәа назыгӡо Артавазд Аик-иԥа Сарециан 65 - шықәса ихыҵра инамаданы идныҳәалоит.

Артавазд Сарециан Аԥснытәи аҳәынҭқарратә университет аҭоурыхтә факультет далгеит, анаҩс аус иуан аҵарадырра аусхк аҟны, аха иара ажурналистикеи алитературеи рганахьала аҟыбаҩ бзиа шилаз умбар залшомызт. 1991 шықәсазы иара иаԥиҵеит ҩ-бызшәкны иҟоу (аурыс бызшәеи аерман бызшәеи)  алитературатә газеҭ «Амшен». Уи ирҿиамҭақәа, аԥсуа поезиа аҟынтәи аиҭагамҭақәа уахь иналаҵаны, Аԥсны, Ермантәыла, Урыстәыла, Еиду Америкатәи Аштатқәа, Ливан, уҳәа апериодикатә ҭыжьымҭақәа рҿы икьыԥхьхоит.  Артавазд Сарециан имаҷымкәа апублицистикатәии апоезиатәи ашәҟәқәа дравторуп.

Аҟәа. Мшаԥымза 29, 2022 шықәса. Аԥсныпресс.  Аԥсуа радио 90 - шықәса ахыҵра аламҭалазы Аҳәынҭқарра Ахада Аслан Бжьаниа аԥсуа радиоефир аусзуҩцәа аҳаҭыртә хьыӡқәа ранашьара азы Аусԥҟақәа инапы аҵаиҩит.

Убас ажурналистика аусхкы аҿы рылшамҭеи амилаҭтә радиодырраҭара аҿиара аҿы рлагалеи рзы «Аԥсны Зҽаԥсазтәыз ажурналист» ҳәа аҳаҭыртә хьӡы ранашьахеит:

Аҟәа. Мшаԥымза  29, 2022 шықәса. Аԥсныпресс. Мшаԥымза 29, 2022 шықәса рзы Очамчыра араион Апрокуратура Очамчыра араион Тамшь ақыҭан иҟалаз ақәылареи ауаҩшьреи рзы ашьаусеилыргара хацнаркит, ҳәа адырра ҟанаҵоит Аԥсны апрокуратура Хада аофициалтә саит.

Аусеилыргара Аԥсны Аҳәынҭқарра Ашьаустә Закәанеидкыла ахәҭаҷ 217, ахәҭа  1, иара убас ахәҭаҷ  99, ахәҭа 2, апунктқәа «ж» , «з», иара убас ахәҭаҷ    159, ахәҭа 3 инарықәыршәаны ацәгьоурақәа рҟазшьақәа рыла ихацыркуп.

АҞӘА. МШАҧЫМЗА 29, 2022 ШЫҚӘСА. АԥСНЫПРЕСС.  Аԥыза-министр Александр Анқәаб Аҧсуа  радио аусзуҩцәа  амилаҭҭә радио 90 шықәса ахыҵра рыдиныҳәалеит.

Адныҳәалаҿы иҳәоуп:

«Ҳаҭыр зқәу  Аҧсуа  радио аусзуҩцәа!

Ишәыдысныҳәалоит амилаҭҭә радио 90 шықәса ахыҵра, срыдныҳәалоит Аҧсны жәлар зегьы! Аҧсуа радио аҭоурых иузаҟәымҭхо иадҳәалоуп ҳаамҭазтәи аҭоурых. 

90 шықәса рыҩныҵҟа урҭ еицанысит акыр ихьанҭаз, аха агәкажьра зцымыз амҩа.  Апрель 30, 1932 шықәса рзы арадиодкылақәа хынтә еишьҭаргыланы ирҭыҩыз ажурналист Сандро Сангәлиа иажәақәа «Ицәажәоит Аҟәа» иаадыртит аҭоурых адаҟьа ҿыц.

Аҟәа. Мшаԥымза 29, 2022 шықәса. Аԥсныпресс. 1941-1945 шш. Аџьынџьтәылатәи еибашьра Дуӡӡа аҿы Аиааира агара Амш 77- шықәса ахыҵра азгәаҭара аламҭалазы, Аԥсны иҟоу Урыстәыла аусқәа рзы аамҭалатәи агәрага Михаил Литвинови Ацҳаражәҳәарҭа аусзуҩцәеи ареспублика аҿы инхо аветеранцәа зегьы ирҭааит.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me